जापान। जी–२० को अध्यक्ष राष्ट्र भारत भ्रमणमा रहेका जापानी प्रधानमन्त्री किशिदाले प्रधानमन्त्री मोदीसँग भेट वार्ता गरेका छन् । भेटका क्रममा उनिहरुले कानुनी शासनका आधारमा अन्तर्राष्ट्रिय व्यवस्थालाई दृढताका साथ कायम गर्ने बताएका छन् । सोहि अवसरमा प्रधानमन्त्री किशिदाले आउँदो मे महिनामा जि सेभेन(G7)हिरोशिमा शिखर सम्मेलनमा प्रधानमन्त्री मोदीलाई निम्तो पनि दिएका छन् ।

प्रधानमन्त्री किशिदाले मे महिनामा हुने G7 हिरोसिमा शिखर सम्मेलनमा आफूले कानूनी शासनमा आधारित अन्तर्राष्ट्रिय व्यवस्थालाई पालना गर्ने र ‘ग्लोबल साउथ’ भनेर चिनिने उदीयमान र विकासशील देशहरूलाई प्रवर्द्धनलाई ध्यानमा राखेर घोषणा गर्ने बताएको जापानी संचार माध्मयहरुले उल्लेख गरेका छन्। किशिदाले रुस, चीन र अन्य देशहरूका साथै जापानलगायतका साझेदारहरूसँगको सम्बन्धलाई सुदृढ गर्ने दृष्टिकोणबाट अन्तर्राष्ट्रिय समुदायले सामना गर्ने विषयहरू उठाउने आफ्नो इच्छा पनि व्यक्त गरेका छन्।

भारत पुगेपछि प्रधानमन्त्री किशिदाले जापान समय अनुसार दिउँसो २ः३० बजे भारतका स्वतन्त्रताका पिता महात्मा गान्धीको समाधिस्थल राजघाटको भ्रमण गरेका थिए। साथै गान्धीको योगदान बारेमा जानकारी लिएपछि प्रधानमन्त्री किशिदाले स्मारकमा माल्यार्पण समेत गरे।