काठमाडौं — साध्वीहरूलाई बलात्कार गरेको आरोपमा कारावास सजाय भोगिरहेका बाबा गुरमीत राम रहीम सिंह इन्साको हनीप्रीतसँगको सम्बन्धमा नयाँ खुलासा भएको छ ।

डेराका पूर्वसाधु गुरदास सिंह तूरका अनुसार, राम रहीमले हनीप्रीतबाट एउटा छोरा जन्माउन चाहेको र हनीप्रीतले त्यही बच्चा राम रहीमको गद्दीको मालिक बन्ने इच्छा राखेको देखिन्छ । त्यो बच्चालाई उनीहरू भगवानको बच्चाका रूपमा लिने सोचमा रहेको गुरदास बताउँछन् ।
गुरदास परिवार राम रहीमबाट टाढिनुमा पनि हनीप्रीतसँगको सम्बन्ध कारक भएको उनी बताउँछन् ।
डेरा व्यवस्थापनले हनीप्रीत र राम रहीमबीचको सम्बन्धका बारेमा थाहा पाएको गुरदास बताउँछन् । हनीप्रीतलाई धेरै रहस्य थाहा भएकोले डेरा व्यवस्थापनले राम रहीमको इशारामा हनीप्रीतलाई थुनेर राखेको गुरदास बताउँछन् ।
डेरा व्यवस्थापनले हनीप्रीतलाई पागल बनाउनसक्ने सम्भावना रहेको पनि उनी बताउँछन् ।
एजेन्सी