काठमाडौं । संखुवासभाबाट शुक्रबार दिउँसो थप उपचारका लागि हेलिकोप्टरमार्फत उद्धार गरिएकी खाँदबारी नगरपालिका–६ पांठाकी सुत्केरी गंगा कार्कीको मृत्यु भएको छ । उपचारका क्रममा शुक्रबार राति ११ बजे थापाथली प्रसूति गृहमा मृत्यु भएको अस्पताल विकास समितिका अध्यक्ष सुमन शाक्यले बताए ।

बच्चा गुमाएकी ३२ वर्षीया कार्कीलाई राष्ट्रपति महिला उत्थान कार्यक्रमअन्तर्गत महिला बालबालिका तथा जेष्ठ नागरिक मन्त्रालयअन्तर्गत अस्पतालका अध्यक्ष प्रमुख सुमन शाक्यको पहलमा उद्धार गरिएको थियो । सुत्केरी कार्कीको जिल्ला अस्पतालमा उपचार हुन नसकेपछि थप उपचारका लागि शुक्रबार ४ बजे  थप उपचारका लागि थापाथली प्रसूति गृहमा लगिएको थियो ।

प्रसव पीडाले च्यापेपछि कार्की चैत ४ गते जिल्ला अस्पताल खाँदबारी अस्पतालमन सुत्केरी हुन भर्ना भएकी थिइन् ।  तर, उनको पेटमा रहेको बच्चा अप्ठ्यरो गरेर बसेको भिडियो एक्सरेबाट थाहा पाएपछि यहाँ नसक्ने भन्दै जिल्ला अस्पताल खाँदबारीले नोबेल अस्पताल विराटनगर रिफर गरेको थियो ।

सुत्केरी कार्कीको नोबेल अस्पतालमा अप्रेसन गरेर मृत बच्चा निकालेको थियो । शुक्रबार मृत्यु भएकी कार्कीको कोरोना भाइरस परीक्षण परिक्षण रिपोर्ट आएपछि पशुपति आर्यघाट काठमाडौंमै दाहसंस्कार गरिने खाँदबारी अस्पतालका अध्यक्ष शाक्यले जानकारी दिए ।