काठमाडौं । पछिल्लो २४ घण्टामा नेपालमा थप ५८६ कोरोना संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डाक्टर जागेश्वर गौतमले बुधबारको नियमित प्रेस ब्रिफिङमा थप ५८६ जना थपिएको जानकारी दिएका हुन् ।

बुधबार ५४६ जना पुरुष तथा ४० जना महिला नयाँ संक्रमित थपिएका हुन् । जसमा ६६३८ जना पुरुष र ५३९ जना महिला छन् । यो सँगै संक्रमितको कूल संख्या ७१७७ जना पुगेको छ ।

बुधबार विपी कोइराला धरानमा ५ जना, विराटनगरमा ११ जना, जनकपुरमा २७ जना, नारायणीमा ६ जना, राष्ट्रिय जनस्वास्थ्य कार्यालयमा २६५ जना, भरतपुरमा ३ जना, धुलिखेलमा ९९ जना, त्रिवि शिक्षण अस्पतालमा १ जना, पोखरामा २० जना, रुपन्देहीमा ५९ जना, भेरीमा ३२ जना, राप्तीमा ३३ जना, सुर्खेतमा ४ जना, कर्णालीमा १४ जना र सेतीमा ७ जना थपिएका हुन् ।

७३ जिल्लामा कोरोना संक्रमण फैलिएका छन् । हालसम्म ११६७ जना कोरोनाको उपचार गरेर घर फर्किएका छन् । बुधबार ९ जना पुरुष डिस्चार्ज भएका छन् । डिस्चार्ज हुनेमा १०५५ जना पुरुष तथा ११२ जना महिला छन् ।

बुधबार १ जनाको कोरोना संक्रमणबाट मृत्यु भएको पुष्टि भएसँगै नेपालमा कोरोना संक्रमणबाट मृत्यु हुनेको संख्या २० पुगेको छ ।