काठमाडौं । प्रधानमन्त्री शेरबहादुर देउवा सहभागी हुन लागेको ‘भाइब्रेन्ट गुजरात’ सम्मेलन स्थगित भएको छ। कोभिड–१९ को संक्रमण बढेपछि गुजरात सरकारले सम्मेलन स्थगित भएको भारतीय सञ्चारमाध्यमले जनाएका छन्।

भारतीय सञ्चार संस्था एएनआईले कोरोनाभाइरसको संक्रमण बढेकाले भाइब्रेन्ट गुजरात सम्मेलन स्थगित गरिएको जनाएको छ। भारतीय प्रधानमन्त्री नरेन्द्र मोदीको गृह राज्य गुजरातमा १० जनवरीमा भाइब्रेन्ट गुजरात सम्मेलन हुने तय गरिएको थियो।

सम्मेलनको मोदीले उद्घाटन गर्ने कार्यक्रम रहेको थियो। सम्मेलनमा सहभागी हुन प्रधानमन्त्री देउवा पनि आइतबार भारत भ्रमणमा जाने कार्यक्रम तय भएको छ।