टोकियो । उच्च शिक्षा अध्ययनका लागि जापान आएको २ महिनामै असामयिक निधन भएका नुवाकोटका प्रवीन नेपालको जापानमै अन्त्येष्टि गरिने भएको छ । नुवाकोट बेलकोट गढि घर भएका प्रवीन करिव २ महिना अघि मात्रै जापान आएका थिए ।

१८ वर्षका नेपाल गत शुक्रबार आफ्नै होस्टलमा मृत अवस्थामा भेटिएका थिए । टोकियो स्थित सुमिदा कुमा आफु बस्दै आएको कोठामा मृत भेटिएका नेपालको पोस्टमार्टम लगायतका आवश्यक प्रकृयाहरु पुरा भईसको छ ।

सुरुवातमा परिवारले शव नेपालमै अन्त्येष्टि गर्ने मनशाय राखेको भएतापनि पछि एनआरएनए जापान तथा नुवाकोट समाजलाई जापानमै अन्त्येष्टिको प्रकृया अघि बढाउन औपचारिकरुपमा मञ्जुरी पत्र पठाईएकाले जापानमा अन्त्येस्टि गर्न लागिएको बताईएको छ।

नेपाल स्थित परिवारसँग सल्लाह गरेर घटनाको बारेमा अनुसन्धान सहित शव व्यवस्थापन र अन्तिम दाहसंस्कारका सन्दर्भमा परिवार, नुवाकोट समाज जापान र एनआरएनए जापानबीच कुराकानी गरि जापानमैं दाहसंस्कार गर्ने तय भएको एनआरएनए जापानका महासचिव सिद्धार्थ श्रेष्ठले बताए ।

मृतकको बाबु आमा अर्धचेत अवस्थामा रहेकोले ठुलो बुवाले लिखित पत्र पठाउनु भएको छ । मृतक नेपालको जापानमा कोहि नभएकोले सबै जिम्मा एनआरएनए जापानकी उपाध्यक्ष संगिता अधिकारी सुवेदीलाई दिएको छ ।

मृतक नेपालको यहि नोभेम्बर १८ तारिख शुक्रबार टोकियोको खाचुसिखा वार्डस्थित एक अन्येष्टि गृहमा अन्तिम बिदाई गरिने भएको छ । मृतकको शव व्यवस्थापन लगायतका खर्च जुटाउन नुवाकोट समाज जापानले, संस्थाको खातामा फुरिकोमी गरिदिनुहुन अनुरोध पनि गरेको छ ।

जेपि अकाउन्ट १०१४०-५८२२००५१ ヌワコトサマズ