एजेन्सी । पोर्चुगलाई १–० ले स्तब्ध पार्दै अफ्रिकी राष्ट्र मोरक्को इतिहास रच्दै पहिलोपटक विश्वकपको फाइनलमा प्रवेश गरेको छ । अल थुमामा रंगशालामा पोर्चुगललाई स्तब्ध पार्दै मोरक्को विश्वकपको सेमिफाइनलमा पुग्ने पहिलो अफ्रिकी राष्ट्र बनेको छ ।

प्रतिस्पर्धात्मक खेलमा पहिलो हाफका लिएको अग्रता जोगाउँदै मोरक्कोले महत्वपूर्ण जित निकाल्दै मोरक्कोको इतिहासमा पहिलोपटक अन्तिम चारमा पुग्न सफल भएको हो । मोरक्कोको ऐतिहासिक सेमिफाइन्ल यात्रामा पहिलो हाफमा युसुफ एन नेसरीले गरेको गोल नै निर्णायक बन्यो । उनले ४२औं मिनेटमा हेडरमार्फत गोल गर्न सफल भएका थिए ।

एक गोलले पछि परेको पोर्चुगलले लगातार दवाव बढाएपनि गोल गनए सकेनन् । बरु काउन्टर अट्याकमा समस्या झेलिरहेको थियो । ब्रुनो फर्नान्डेसले दायाँ विंगबाट गरेको शक्तिशाली प्रहारमा गोलरक्षक यासिन बोनो बिट भएपनि क्रसबारमा लागेर फर्कदा पोचुएगल अग्रता लिनबाट चुक्यो ।

८३औं मिनेटमा रोनाल्डोको पासमा जोआओ फेलिक्सले प्रहार गोलरक्षक बोनोले उत्कृष्ट बचाउ गरे । इन्ज्युरी समयको पहिलो मिनेटमा बोनोले रोनाल्डोको प्रहारमा गरेको पहिलो बचाउ फुस्काएपनि दोस्रो प्रयासमा रिबाउन्डलाई सुरक्षित राखे ।

इन्ज्युरी समयमा मोरक्को १० खेलाडीमा समेटिन पुग्यो । वालिद चेदिरा दोस्रो पहेंलो कार्डपछिको रातो कार्ड खाँदै बाहिरीए । तर त्यसको फाइदा पोर्चुगलले उठाउन सकेन ।

मोरक्को सन् १९८६ को विश्वकपमा प्रिक्वार्टरफाइनलसम्म पुगेको थियो । सन् १९९४, १९९८ र २०१८ को विश्वकपमा मोरक्को समूह चरणबाटै बाहिरिएको इतिहास छ । कतारमा भने मोरक्कोले जादुयी प्रदर्शन गरिरहेको छ ।