२१ अप्रिल टोक्यो । मुलुकमा  स्थानीय निकायको चुनावमा सबै राजनैतिक दल आ-आफ्नो पक्षमा नतीजा पार्न लागि परेको समयमा जापान रहेका राजनैतिक दलहरुले भने एकता देखाउने भएका छन् ।  उनिहरुले  यहि आईतबार टोक्योमा सामूहिक चियापान सहित ११ औँ लोकतन्त्र दिवस मनाउने निर्णय गरेर एकता देखाएका हुन् ।

अाफुहरुमा,आस्थागतरुपमा बिभिन्न विचार भएपनि प्रवासमा बस्दा एकताको सन्देश जानेगरी सबै दलका प्रतिनिधिहरुले संयुक्त भएर शुभकामना सहित चियापान कार्यकम तय गरिएको कॉंग्रेस निकट  जनसम्पर्क समितिका कार्यवाहक अध्यक्ष पुष्कार जंग थापाले जानकारी दिए ।

शुक्रवार बसेको संयुक्त बैठकले जापानमा क्रियाशील  सबै संघ – संस्थाहरुलाई कार्यक्रममा  सहभागिका लागि अनुरोध गरेको छ । नेपाली जनसम्पर्क समिति, प्रवासी नेपाली मंच, नेपाली जनप्रगतिसिल मंच, प्रवासी नेपाली संगठन, नेपाली एकता समाज,नेपाली जनप्रगतिसिल समाज, अन्तर्राष्ट्रि नेपाली समाज जापान संयुक्तरुपमा आयोजक  रहने एमाले सम्बद्द , प्रवासी नेपाली मंचका कार्यवाहक अध्यक्ष बाबुराम भडारीले बताए ।

कार्यक्रममा, देशको राजनैतिक परिवर्तन र आम नागरिकको स्वतन्तत्रको लागि, आपनो जिवन आहुति दिने शहीदहरु प्रति श्रद्धांजलि दिदैँ,नेपालको सम्बृद्दि तथा दिगो  विकासकालागि प्रवासी संगठन एकताको बारेमा चर्चा गरिने बताईएको  छ । सँधै आ-आफ्नै डम्फु बजाउन व्यस्थ दलहरुको यो एकतालाई,जापानीवासी नेपालीहरुले एक सकारात्मक क़दम भनेका छन् ।

।