काठमाडौं । हिउदको समयमा राजधानी काठमाडौंमा मर्निङवाक गर्नै नहुने अध्ययनले देखाएको छ ।
हिउँदको बिहानीपख उपत्यकामा चिसो बढी र धुलो, धुवाँ अत्याधिक हुने भएकाले मर्निङवाक नगर्न वाताविरणद् भूपेन्द्र देवकोटाको सुझाव छ । काठमाडौं उपत्यकाको धुलो र धुवाँले चिसो बढ्नुका साथै भिजिबिलिटी घट्दै गएको छ । उपत्यकामा हुने अत्याधिक धुलो र धुवाँले आकाश ढाक्दा भिजिबिलिटी घट्दै गएको जल तथा मौसम विज्ञान विभाग पूर्व अनुमान महाशाखाले जनाएको छ । नयाँ पत्रिका दैनिकमा समाचार छ । अहिले काठमाडौं उपत्यकाको अधिकतम तापक्रम १९ दशमलव ५ सोल्सियस र न्युनतम तापक्रम ६ दशमलव ८ डिग्री सेल्सियस छ ।
चारैतिर पहाडले घेरिएकाले उपत्यकाबाट हावा पास नहुँदा आकाशमै धुलो र धुवाँ मडारिने गरेको छ । जसले गर्दा अहिले उपत्यकामा ४ किलोमिटर मात्र भिजिबिलिटी रहेको मौसमविद शान्ति कँडेलले बताईन्, ‘सामान्यतया ३ किलोमिटरभन्दा कम भिजिबिलिटी भएपछि हावई क्षेत्रमा असर गर्छ,’ कडेलले भानिन् ।