काठमाडौँ । रसुवा जिल्ला लहरेपौवा वडा नं ३ निबासी लेखनाथ खनालले आफ्नो जिवन रक्षाको लागि सम्पूर्ण नेपाली दाजुभाई दिदी बहिनीहरु समक्ष अनुरोध गरेका छन् ।

खनालको दुबै मृगौला खराब भएकाले छिटोभन्दा छिटो मृगौला प्रत्यारोपण गर्नु पर्ने डाक्टरहरुले बताएका छन् तर आर्थिक अबस्था अत्यन्तै कमजोर भएकाले तत्काल मृगौला प्रत्यारोपण गर्न सम्भब देखिएको छैन । उनका नाबालक छोरा, छोरी र श्रीमती छन् । परिवारको लालनपालनको जिम्मेवारी त छँदै छ त्यसमा पनि दुवै मृगौलाले काम नगर्ने भएपछि झनै मारमा परेका छन् यति बेला खनाल ।

हाल खनालको काठमाडौ टिचिङ अस्पतालमा उपचार भईरहेको छ । यद्यपी मृगौला प्रत्यारोपणको अर्को विकल्प नभएको र त्यसकालागि उनको आर्थिक अवस्था निकै कमजोर रहेकाले सहयोगको लागि याचना गरेका हुन् ।

सहयोगको अनुरोध लिएर नेपालन्युजपोस्ट समक्ष आईपुगेका बिरामीका भान्जा-बालचन्द्र भट्टका अनुसार, अहिले उनको सहयोगार्थ मातृभूमिका लागि युवा अभियानले सहयोग उठाउने अभियान पनि थालेको छ । तपाई हाम्रो सानो सहयोगले बिरामी खनालले नयाँ जीवन पाउन सक्नेछन् । जसले जहाँबाट जति सक्नुहुन्छ त्यति प्रत्यक्ष अथवा अप्रत्यक्ष रुपमा सहयोग गरिदिनु हुनेछ भन्ने आशा लिएका छौँ ।

सहयोगका लागि मातृभुमीका लागि युवा अभियानको हिमालयन बैंकको 04406854180011 मा रकम जम्मा गराउन सकिनेछ । नबिर्सौँ – सेवा नै धर्म हो !