काठमाडौं । आइसीसी विश्व क्रिकेट लिग डिभिजन–२ मा नेपालले १ सय ३८ रनको लक्ष्य पाएको छ ।
विनहोकस्थित अफिज मैदानमा टस हारेर पहिले ब्याटिङको निम्तो पाएको घरेलु टोली नामिवियाले ३४.२ ओभरमा सबै विकेट गुमाएर १ सय ३८ रन बनायो ।
नामिवियाका लागि चौथो नम्वरमा ब्याटिङमा आएका क्रेग विलियम्सनले सर्वाधिक ४१ रन बनाए । ४५ बल खेलेका विलियम्सन सन्दिप लामिछानेको बलमा एलबि डब्लुको शिकार भए । जान फ्राइलिनिक र जाने ग्रीन समान २२ रनमा आउट भए । ओपनर स्टेफन बार्ड १८ रनमा पभेलियन फर्किए । जेजे स्मिथ १८ रनमा आउट भए । पहिलो ओभरमा नै लुइस भान डरवेस्थुजेनलाई १ रनमा पभेलियन फर्काएको सोमपाल कामीले पाँचौ ओभरमा नेपाललाई दोस्रो सफलता दिलाएको थियो । तेस्रो विकेटको लागि भने नेपालले १२ औं ओभर कुर्नुपरेको थियो । बसन्त रेग्मीले जेपी कोट्जेलाई ९ रनमा आउट गराए । १३ औं ओभरको अन्तिम बलमा सन्दिप लामिछानेले राम्रो प्रदर्शन गरेका क्रेग विलियम्सनलाई आइबि डब्लुको शिकार बनाए । १६ औं ओभरमा कप्तान पारस खड्काले जेरार्ड इरासमसलाई आउट गरे । २६ औं ओभरमा नेपालले सातौ सफलता हात पारे । शरद भेषवाकरले जान फ्राइलिनिकलाई आउट गरेका थिए । ३२ औं ओभरमा सोमपालले जाने ग्रीन समान २२ रनमा पभेलियन फर्काए ।
सन्दिप लामिछानेले ८.२ ओभरमा २ मेडन राख्दै ३ विकेट लिएर मात्र १८ रन खर्चिए । सोमपाल कामीले ७ ओभरमा १ मेडन राख्दै ३ विकेट लिदै ३५ रन खर्चिए । यस्तै र रन खर्चिदा कप्तान पारस खड्काले पनि २ मेडन राख्दै १ विकेट लिए । बसन्त रेग्मी र शरद भेषवाकरले पनि समान १ विकेट हात पारे ।
नेपालले केहीबेरमा ब्याटिङ थाल्नेछ ।