मस्को, एजेन्सी । दक्षिण अमेरिकी राष्ट्र उरुग्वेले समूह ‘ए’ अन्र्तगतको आफ्नो पहिलो खेलमा इजिप्टमाथि संघर्षपूर्ण जित निकाल्दै विजयी शुरुवात गरेको छ ।
समूह ए को खेलमा उरुग्वेले इजिप्टमाथि १–० को संघर्षपूर्ण जित निकालेको हो । उरुग्वेको संघर्षपूर्ण जितमा डिफेन्डर जोसे गिमिनेजले खेल सकिन एक मिनेट बाँकी रहँदा गरेको गोल निर्णायक बन्यो ।
सलाहबिनाको इजिप्टमाथि उरुग्वेले बललाई आफ्नो नियन्त्रणमा राखेपनि गोल गर्न निकै संघर्ष गर्नुपरेको थियो । उसका लुइस स्वारेज र इडिन्सन काभानीको प्रहार इजिप्टका गोलरक्षकले विफल पारेका थिए । बराबरीतर्फ धकेलिएको खेलमा साञ्चेजले प्रहार गरेको फ्रिकिलाई गिमिनेजले हेडमार्फत गोल गर्दै उरुग्वेलाई महत्वपूर्ण ३ अंक दिलाएका हुन् ।
जितसँगै समूहमा उरुग्वेले ३ अंक जोड्न सफल भएको छ । यो समूहमा आयोजक रसियाले उद्घाटन खेलमा साउदी अरेबियालाई ५–० को फराकिलो गोल अन्तरले पराजित गरेको थियो ।
विश्वकप अन्र्तगत अहिले समूह बी मा रहेको मोरक्को र इरानले केही बेरमा प्रतिस्पर्धा गर्र्दैछ । आज राति नै पोर्चुगल र स्पेनबीच खेल हुदैछ ।