एक्तारिनवर्ग, एजेन्सी । फिफा विश्वकप फुटबल प्रतियोगितामा जापानले सेनेगललाई बराबरीमा रोकेको छ ।

एक्तारिनवर्गमा भएको खेलमा एसियाली राष्ट्र जापानले खेलमा दुई पटक पछि परेर पनि जापानलाई २–२ गोलको बराबरीमा रोक्दै अंक खोस्न सफ भएको हो । बराबरीसँगै समूह ‘एच’ मा दुवै टिमले समान ४ अंक जोड्दै अन्तिम १६ पुग्ने सम्भावना कायम राखेका छन् ।

सेनेगलले खेलको ११ औं मिनेटमा साडियो मानेको गोलबाट अग्रता बनाएको थियो । ३४ मिनेटमा जापानका टाकासी इनुइ डिबक्स भित्रबाट उत्कृष्ट गोल गरेर खेललाई बराबरीमा ल्याए । ७१ मिनेटमा माउसा वागुइले गोल गरेर सेनेगललाई दोस्रो पटक अग्रता दिलाए ।

तर, ७८ मिनेटमा जापानले दोस्रो पटक बराबरी गोल फर्काउन सफल भयो । परिवर्तित खेलाडी केइसुके होन्डाले गोल गर्दै जापानलाई फेरि २–२ गोलको बराबरीमा ल्याए । त्यसपछि दुवै टोलीले गोलका सुन्दर मौका खेर फालेको थियो ।