एजेन्सी – उपाधिको दावेदार अर्जेन्टिना कोपा अमेरिकाको पहिलो खेलमै पराजित भएको छ । अर्जेन्टिना आफ्नो पहिलो खेलमा कोलम्वियासँग २–० ले पराजित भएको हो ।

निकै नै प्रतिस्पर्धात्मक बनेको खेलमा दुवै गोल दोस्रो हाफमा सम्भव भएको थियो । खेलको ७१ औं मिनेटमा रोजर मार्टिनेजले उत्कृष्ट गोल गर्दै कोलोम्बियालाई अग्रता दिलाएका थिए । कोलोम्बियाले ८६ औं मिनेटमा अग्रता दोब्बर बनायो । वैकल्पिक खेलाडीको रुपमा मैदान प्रवेश गरेका डुभान जापाटाले जेफर्सन लेर्माको पासलाई सदुपयोग गर्दै कोलोम्बियाको जित पक्का गरे ।

अर्जेन्टिना रहेको समूह बी मा कतार, कोलोम्बिया र पाराग्वे रहेका छन् । अब अर्जेन्टिनाले अर्को खेलमा बुधबार पाराग्वेको सामना गर्नेछ ।