दक्षिण कोरिया । विश्व तेक्वान्दो संघ को आयोजनामा कोरियामा भएको ‘वर्ल्ड पार्टनरसिप तेक्वान्दो प्रोग्राम’  सम्पन्न भएको छ ।

नेपाल,  मलेसिया,  थाइल्यान्ड इन्डिया मेक्सिको लगायतका विभिन्न मुलुकबाट  करिब १ सय  जना भन्दा बढी  सिनियर  तथा जुनियर खेलाडीहरु  सहभागिता रहेको ११ दिने तालिम मा विभिन्न बिधाका प्रशिक्षक द्वारा तेक्वान्दो तालिम दिईएको थियो । विश्वका ख्याति प्राप्त तेक्वान्दो कोचहरुको प्रशिक्षण रहेको पार्टनरसिप ट्रेनिङ् यहि २४ तारिख सम्पन्न भएको हो ।

उक्त तालिममामा नेपालका खेलाडी अब्बास खान उत्कृष्ट खेलाडीका रुपमा पुरस्कृत भएका छन् । खानसंगै नेपालबाट, जैन खातुन, गिप्सन नेपाल, जहिद उल्ला निलिमा मल्ल, रितिका शाही,  प्रतिक पाठक, प्रिन्स सुनार र टोलि मुख्य प्रशिक्षक रोशन खान गरी नेपाल बाट ९ जना खेलाडीहरुले  सहभागिता जनाएका  थिए ।

टोलि प्रशिक्षक रोशन खानले भने – ‘मेक्सिकोको  जुनियर राष्ट्रिय टीमलाई पछि पार्दै, नेपाली खेलाडी अब्बास खानले  उत्कृष्ट अवार्ड पाउनु नेपाल र नेपाली को लागि  गौर को विषय हो ।’खानका अनुसार, तालिम अवधिभर सहभागी सम्पुर्ण नेपाली खेलाडीहरुले उत्कृष्ट खेल कौशल तथा खेलप्रतिको लगाव प्रस्तुत गरे ।

जापान गएपनि, गिप्सन नेपाल,  नेपाली तेक्वान्दोमै सकृय

नेपाली टिमका सहभागी मध्ये गिप्सन नेपाल हाल, जापानको एभरेस्ट ईन्टरनेशनल अध्यायनरत छन् । अध्यायनका लागि मुलुकबाहिर रहेता पनि उनि नेपाली तेक्वान्दो खेलका लागि जापानबाट, कोरिया पुगेका थिए ।