काठमाडौं, ३ साउन । आइसीसी एसिया यू–१९ विश्वकप छनोट खेलमा नेपालले लगातार दोस्रो जित निकालेको छ । लगातार दोस्रो जित निकाल्ने क्रममा नेपालले मलेसियालाई ५ विकेटले पराजित गरेको हो ।
सिंगापुर क्रिकेट क्लब, पादाङमा मलेसियाले दिएको ५८ रनको झिनो लक्ष्य नेपालले ९.५ ओभरमा ५ विकेट गुमार पुरा ग¥यो । नेपालको पहिलो विकेट सस्तैमा गुमाएको थियो । टिमको स्कोर मात्र ८ रन हुँदा ओपनर सन्दिप सुनार मात्र ६ रनमा आउट भए । आदिल खान पनि ५ रनमै आउट भए । आसिफ शेखले भने आक्रामक पारी खेल्ने प्रयास गरे । उनले २० बलमा ५ चौकाको मदतमा २३ रन बनाए । भरपर्दा ब्याट्सम्यान दिपेन्द्र सिंह ऐरी भने फेरि सस्तैमा आउट भए । उनले मात्र ४ रन जोडे । अनिल साह शून्यमै आउट भए । प्रनित थापामगर अविजित १९ र रोहित कुमार ४ रनमा अविजित रहे ।
यसअघि टस हारेर पहिले ब्याटिङ गरेको मलेसियालाई नेपालले ५८ रनमा अलआउट गरेको थियो । निकै खराव शुरुवात गरेको सैफुला मलिक र वीरदीप सिंहले दोस्रो विकेटका लागि २१ रनको साझेदारी गर्दै पारी सम्हाल्ने प्रयास गरे । तर, १२ औं ओभरको चौथो बलमा नेपाली टोलीका कप्तान समेत रहेका सन्दिप लामिछानेले मलिकलाई व्यक्तिगत ८ रनमा आउट गराए । त्यसपछि पवन सरार्फले लगातार २ विकेट लिए भने सन्दिपले दोस्रो विकेट लिँदा मलेसियाले १३.५ ओभरमा मात्र २६ रन जोडेर महत्वपूर्ण ५ विकेट गुमाइसकेको थियो । त्यसपछि पनि मलेसियाका कुनै पनि ब्याट्सम्यानले टिकेर खेल्न सकेनन् । १० औं विकेटरका लागि हाष्कल खैर र हफिजुद्दिनले १९ रनको साझेदारी गरे । तर, २५.५ ओभरमा सन्दिपले खैरको विकेट लिएपछि मलेसिया ५८ रनमा अलआउट भयो । मलेसियाका कुनै पनि ब्याट्सम्यानले दोहोरो अंक जोड्न सकेनन् । नेपालका लागि सन्दिप एक्लैले ५ विकेट लिए । ८.५ ओभर बलिङ गरेका उनले एक मेडन राख्दै मात्र १७ रन दिए ।
पवन सरार्फले ३ विकेट लिँदा किशोर महतो र सन्दिप सुनारको नाममा १(१ विकेट रहृयो ।

अब नेपालले भर्खरै टेष्ट मान्यता पाएको अफगानिस्तानसँग बिहिबार खेलनेछ ।