कञ्चनपुर, ३० फागुन । कञ्चनपुरमा बिहे गर्ने प्रस्ताव अस्वीकार गरेको भन्दै एक युवकले यूवतीको अनुहारमा तातो ध्यू खन्याएका छन् ।

कञ्चनपुर भिमदत्त–११ गड्डा चौकीका ३० बर्षीय दिपक चन्दले भिमदत्त नगरपालिका–५ बैजनाथ टोलकी एक २१ बर्षीया सुनिता चन्दको अनुहारमा तताएर राखेको ध्यू खन्याएका हुन् ।

लगत्तै दीपक फरार छन् । नेपाल भारत सिमाना नजिक घर भएका चन्द भारततर्फ भागेको प्रहरीले बताएको छ ।

दिपकले सरितालाई मन पराएको र उनको घरमै पुगेर आफू बिहे गरिदिन भनेका थिए । तर, सरिताको परिवारले नमानेपछि त्यही चुलोमा तताउँदै गरेको धिउ खन्याएका हुन् ।

प्रहरीका अनुसार दिपक विवाहित रहेको तथा घरमा श्रीमती र छोरा रहेको बुझिएको छ ।

सरिताको टाउको, अनुहार र आँखाको केही भाग पोलिएको छ । उनको गेटा आँखा अस्पतालमा उपचार भइरहेको छ ।