चैनपुर, १५ बैशाख । बहुमूल्य बुटी यार्सागुम्बा टिप्ने सिजनको सुरुवातमै यस बर्ष जिल्लाको साइपाल गाउँपालिका ३ का २० बर्षीय भीमबहादुर बोहराको हिमाली क्षेत्र फराल खेतमा हिउँले पुरिएर यसै साता मृत्यु भयो ।

यसपालि यार्सा टिप्न जादा ज्यान गुमाउने उनी पहिलो हुन् ।
आठ नौ बर्षको उमेरमा अभिभावकहरुसँग यार्सा टिप्न गइरहने बोहरा यार्सा पाइने ठाउँमा हेरफेर गर्न जाँदा हिमपहिरोले पुरिएपछि बितेका हुन् ।

घरको एक्लो छोराको मृत्युपछि परिवार शोकाकुल बनेको आजको अन्नपूर्ण पोस्ट दैनिकमा समाचार छ ।
यार्सा टिप्ने सिजनमा बर्सेनि २÷४ जना मान्छेको ज्यान जानु यहाँका मानिसका लागि समान्य नै भइसकेको छ ।