योकोहामा, जापान  । जापान विश्वमै सबैभन्दा उत्कृष्ट हुलाक सेवा प्रदान गर्ने मुलुक हो । यहाँ सरकारी कार्यलय देखि निजी क्षेत्र सबैले  हुलाक सेवालाई मूख्य सेवाकोरुपमा प्रयोग गर्ने गर्दछन् । तर यहि ठाउँमा, हुलाकीले चिठ्ठी पुर्याउनुपर्ने ठाउँमा नपुर्याए के होला ? पक्कै धेरै ठूलो समस्या सिर्जना गर्न सक्दछ । दुर्भाग्यवश, एक ६१ वर्षिय हुलाकीले २४ हजार चिठ्ठी/पत्रहरु तोकिएको ठाउँमा पुर्याउनुको सट्टा आफ्नै घरमा राखेको भेटिएको छ ।

यो घटना टोकियोबाट नजिकै रहेको खानागावा केनको सागामिहाराको हो । योकोहामाको जापान पोस्टको एक शाखामा कार्यरत त्यि कर्मचारीले सन २०१७ फेब्रुअरी देखि अघिल्लो वर्षको अन्त्यसम्ममा १ हजार २ वटा चिठ्ठी पत्रहरु आफ्नै घरमा राखेको र बाँकी अन्यत्र कतै फ्याकेको जनाईएको छ ।

नाम नखुलाईएको त्यि कर्मचारीले त्यसरी चिठ्ठी पत्रहरु लुकाउनुको कारणमा आफुलाई, घर–घर गई चिठ्ठी/पत्र पुर्याउने कामले दिक्दार बनाएकोले पुर्याउनुको सट्टा लुकाएको बताएका छन् । हाल उनी माथी मुद्दा चलाईएको छ ।