टोकियो ।बुधवार पनि टोकियोमा एकैदिन १४४ जना मानिसहरुमा कोरोना भाईरसको संक्रमण पुष्टी भएको छ ।

पछिल्ला २ सातादेखि टोकियोमा हरेक दिन कम्तिमा पनि १ सय जनाको दरमा संक्रमितहरु बढिरहेका छन् । यहि बढ्दो संक्रमणलाई मध्यनजर गर्दै सरकारले एक महिने आपतकालिन् अवस्थाको घोषणा पनि गरेको छ ।

बुधवार प्रमाणित भएको १४४ जनाको संक्रमण टोकियोमा एकैदिन भेटिएको हालसम्मकै ठूलो संख्या हो । यो संख्यासंगै टोकियोभित्र संक्रमित हुनेहरुको संख्या १३४० जना पुगेको छ । यस मध्ये ३१ जनाको निधन भएको छ ।

बुधबार टोकियोमा मात्र नभई जापानका अन्य विभिन्न प्रान्तहरुमा पनि संक्रमितहरुको संख्या बृद्दी भएको छ । आज जापानभरी गरेर ५०० जना भन्दा बढी व्यक्तिहरु संक्रमित पुष्टि भएको छ । यो संख्यासंगै जापानमा हालसम्म ५६६२ जनामा कोरोना भाईरस संक्रमण भएको छ । यस मध्ये ११४ जनाको निधन भएको छ भने १२७० जना निको भएर घर फर्किएका छन् ।

दिउँसो ४ बजेसम्मको तथ्यांक्क अनुसार, टोकियोसंगै आज पनि जापानभर संक्रमितहरुको संख्या थपिएको छ ।

जापान सरकारद्वारा मे ६ सम्मका लागि आपतकालिन् अवस्थाको घोषणा, टोकियोमा आजपनि ८० जनामा कोरोना संक्रमण पुष्टी(ब्रेकिङ्)

अमेरिकामा एकैदिन १,९३४ को मृत्यु, संक्रमितको संख्या ३ लाख ९५ हजार

टोकियोमा एकैदिन ११८ जना भन्दा बढीमा कोरोना संक्रमण पुष्टी,अवस्था लकडाउन उन्मुख ( अपडेट)