लण्डन । कोरोना भाइरसको संक्रमणबाट बेलायतमा थप १ जना पूर्व गोरखा सैनिकको मृत्यु भएको छ । मृत्यु हुनेमा बेलायतको रेडिङ्खमा बस्दै आएका ६५ वर्षीय लक्षिणबहादुर गुरुङ रहेका छन् ।

उनको सोमबार बिहान रेडिङस्थित बर्कशायर अस्पतालमा उपचारका क्रममा मृत्यु भएको हो । अस्पताल भर्ना भएपछि गुरुङलाई कोरोनाको संक्रमण भएको पुष्टि भएको थियो । पछिल्लो १ साता उनलाई भेनिलेटरमा राखेर उपचार गरिएको थियो ।

नियमित रुपमा शारीरिक व्यायाम गर्ने गुरुङलाई अन्य रोग नरहेको बताइएको छ । कास्कीको घान्द्रुक घर भएका गुरुङका श्रीमती र दुई छोरी बेलायतमा नै बस्दै आएका थिए ।

‘सिक्स जीआर डब्लुओ टू’ का रिटाएर्ड गोर्खा गुरुङ केहि वर्ष पहिला घान्द्रुक समाज रेडिङ्कका अध्यक्ष समेत रहेका थिए । गुरुङसँगै बेलायतमा कोरोनाबाट मृत्यु हुने नेपालीको संख्या भने ९ पुगेको छ ।