टोकियो ।   बिहिबार जापान भरमा एकैदिन ५ सय ७० जनामा कोरोना भाईरसको नयाँ संक्रमण पुष्टि भएको छ । यो संगैजापानभित्रै संक्रमितहरुको संख्या ९ हजार २ सय ९२ जना पुगेको छ । डायमण्ड क्रुजका संक्रमितहरुको संख्या पनि जोड्दाजापानमा संक्रमितको संख्या १० हजार ४ जना पुगेको छ ।

बिहिबार जापानभर संक्रमितहरुको संख्यासंगै मृतकहरुको संख्यामा पनि वृद्धि भएको छ । टोकियोमा ३ जना, साईतामाकेनमा २जना, खानागावाकेनमा,मिएकेन, ह्योगोकेन, फुकुओकाकेन, ओईताकेन तथा ओकिनवाकेनमा १/१ जना जना सहित ११ जनाको मृत्युभएको छ । बिहिबार पुष्टि भएको संख्यासंगै जापानभर कोरोनाका कारण मर्नेहरुको संख्या २०३ पुगेको छ ।

सँधैजसो सबैभन्दा धेरै  संक्रमित प्रमाणित हुँदै आएको टोकियोमा बिहिबार पनि १सय ४९ जनामा संक्रमण पुष्टि भएको छ । जसमध्ये १०३ मा संक्रमणको कारण पत्ता लाग्न सकेको छैन । टोकियोमा पछिल्ला दिन पुष्टि भएका संक्रमित मध्ये झण्डै ६० प्रतिशतमासंक्रमणको कारण खुल्न सकेको छैन । बिहिबार राती ११ बजेसम्मको जानकारी अनुसार टोकियोभित्र संक्रमितहरुको संख्या २५ सय९५ जना पुगेको छ ।

टोकियो पछि अधिक संक्रमित रहेका ओसाकामा विहिबार पनि ५२ जनामा नयाँ संक्रमण पुष्टि भएको छ । यो संख्यासंगै ओसाकामापनि हालसम्म संक्रम्तहरुको संख्या १ हजार नाघेको छ ।

मे ६ तारिखसम्म ४७ वटै प्रान्तमा आपतकाल घोषणा

कोरोना भाईरसको संक्रमण नियन्त्रण प्रयास स्वरुप अति प्रभावित ७ वटा प्रान्तमा आपतकाल घोषणा गरेको जापान सरकारले बिहिबार ४७ वटै प्रान्तमा आपतकाल घोषणा गरेको छ ।

टोकियो, चिबा, साइतामा, खानागावा, ओसाका, ह्योगो, फुकुओका, आईची तथा होक्काईदोमा जस्तै अन्यत्र पनि संक्रमितहरुकोसंख्या बढ्दै जाँदा ४७ वटै प्रान्तहरुमा आपतकाल घोषणा गरि प्रभावकारी नियन्त्रण गर्न आवश्यक रहेकाले सरकारले यस्तो निर्णय गरेको हो ।आपत्काल तत्काललाई मे महिनाको ६ तारिखसम्मको लागि रहने बताईएको छ ।

कोरोना भाईरसको संक्रमण बढ्दै गएपछि,जापानभर आपत्काल घोषणाको तयारी

बिहिबार टोकियोमा एकैदिन १४९ जनामा कोरोना संक्रमण, संक्रमितहरुको संख्या २५ सय नाघ्यो( अपडेट)