काठमाडौं । पछिल्लो २४ घण्टामा देशभर थप २८८ जना कोरोनाभाइरस संक्रमित थपिएका छन् । यो सँगै नेपालमा कोरोना संक्रमितको कूल संख्या २०९९ पुगेको छ ।

मंगलबारको नियमित पत्रकार सम्मेलनमा स्वास्थ्य मन्त्रालयका प्रवक्ता डाक्टर विकास देवकोटाले सो जानकारी दिएका हुन् । २७० पुरुष र १८ जना महिला छन् ।

धुलिखेलमा गरिएको परिक्षणमा ३८ जना, पोखरामा १० जना, धरानमा गरिएको परिक्षणमा १ जना, भेरीमा २० जना, सुर्खेतमा गरिएको परिक्षण ६४ जना, दैलेखमा ९ जना, सल्यानमा १८ जना, अछाममा १० जना,  हेटौडामा १ जना, राप्ती दाङमा १७ जना, प्युठानमा १ जना, सेतीमा १८ जना, कैलालीमा १० जना र ाष्ट्रिय जनस्वास्थ्य प्रयोगशालामा ११८ जना थपिएका हुन् ।

यस्तै मंगलबार ४५ जना डिस्चार्ज भएका छन् । यससँगै नेपालमा डिस्चार्ज हुनेको सङ्ख्या २६६ पुगेको छ । यस्तै कोरोना संक्रमणबाट मृत्यु हुनेको संख्या ८ पुगेको छ।