टोकियो । मंगलबार,२ तारिख जापानभर ५० जना मानिसहरुमा कोरोना संक्रमण पुष्टि भएको छ । यो आपतकालिन् अवस्था हटाईएपछिकै धेरै हो ।

विज्ञहरुको परामर्शमा सरकारले कायम गरेको न्युनतम मापदण्ड पुगेकाले यानेकि संक्रमितहरुको संख्या घटेको तथा स्वास्थ्य सेवा प्रणालीमा भार कम परेको लगायतका कुराहरुलाई मध्यनजर गर्दै, सरकारले आपतकालिन् अवस्था हटाएको थियो । तर पछिल्ला केहि दिन यता टोकियो तथा फुकुओकाको कितक्युसुमा संक्रमणको दोस्रो चरण देखा परेको छ । संक्रमण शुन्य तथा १/२ जनाको दरमा झरेका ठाउँमा हाल दैनिक ३४ जना सम्म संक्रमित देखिन थालेको छ ।

अत्यधिक संक्रमण देखिएको टोकियोमा भने हिजो रातीदेखिनै  ‘ टोकियो अलर्ट’ जारी गरिएको छ । महानगरकी गभर्नर कोईके युरिकोले टोकियोमा दोस्रो चरणको संक्रमण बढ्न लागेको भन्दै यस्तो अलर्ट जारी गरेकी हुन् । संक्रमित संख्या अझै बढ्दै गएमा मानिसहरुको प्रत्यक्ष जमघट हुने, रेस्टुरेन्ट तथा ईजागायहरु पुन बन्द गर्न आग्रह गरिनेछ ।

मंगलबार, टोकियोमा ३४ जना, फुकुओकामा ६ जना, होक्काईदोमा ३ जना, तोचिगीकेनमा १ जना,खानागावाकेनमा ३ जना, चिबाकेनमा १ जना, यामानासीकेनमा १ जना र आईचिकेनमा १ जनामा संक्रमण देखिएको हो ।

मंगलबार थपिएको संख्यासंगै जापानभर हालसम्म संक्रमितहरूको संख्या १७ हजार ६ सय १७ जना पुगेको छ । संक्रमित मध्ये १५ हजार १ सय ३४ जनाले स्वास्थ्य लाभ गरि घर फर्किएका छन् भने ९ सय १६ जना मानिसहरुको निधन भएको छ ।

मंगलबार २८८ जना नयाँ संक्रमित थपिए, सक्रमितको संख्या २०९९ पुग्यो

सोमबार जापानभर ३६ जनामा कोरोना संक्रमण, टोकियो र फुकुओकामा मात्रै २९ जना संक्रमित थपिए

मंगलबार टोकियोमा एकैदिन ३० जना भन्दा बढिमा कोरोना संक्रमण, टोकियो,दोस्रो चरणको संक्रमणतर्फ उन्मुख हुँदै