टोकियो । बिहिबार जापानका विभिन्न प्रान्तहरुमा गरि ४३ जनामा कोरोना संक्रमण पुष्टि भएको छ । यो अघिल्लो दिनको तुलनामा झण्डै दोब्बरले वृद्धि भएको हो ।बुधबार जापानभर केबल २६ जना मानिसहरुमा मात्र कोरोना संक्रमण पुष्टि भएको थियो ।

बिहिबार, टोकियोमा २८ जना, खानागावाकेनमा ६ जना,फुकुओकाकेनमा ६ जना र होक्काईदोमा ३ जनामा संक्रमण देखिएको हो ।

किन संक्रमित संख्यामा अन्तर देखिएको ? कतै त ४७ भनिएको छ नि ?

बिहिबार राती  अबेर प्रसारण भएका केहि संचारमाध्यमहरुको समाचारमा हिरोसिमाकेनमा पनि १ जना संक्रमित भएको जनाएपनि सरकारी जानकारीमा भने अद्यवधिक गरिएको छैन । यसका साथै एयरपोर्टको क्वारेन्टाईनमा रहेका ३ जनामा पनि संक्रमण पुष्टि भएको बताईएको छ । यि सबै संख्या जोड्ने हो भने,बिहिबार संक्रमण पुष्टि भएको संख्या ४७ जना पुग्दछ । तर जापानले एयरपोर्ट क्वारेनटाईन तथा समुद्री जहाजहरुमा संक्रमितलाई आफ्नो संख्या मानेको छैन । सुरुवातको डायमण्ड प्रिन्सेजका यात्रीहरुलाई जापानभन्दा बाहिर संक्रमण भएको भनि गणना गर्ने गरेतापनि, नागासाकी पोर्टमा भेटिएका संक्रमितहरुको संख्या कहिँ उल्लेख गरेको छैन ।

विहिबार सम्ममा जापानभर संक्रमितहरुको संख्या  १७ हजार ६ सय ८६ जना पुगेको छ । यसमा सबैभन्दा पहिला ठूलो संख्यामा संक्रमित भेटिएको डायमण्ड प्रिन्सेस क्रुजका यात्रीहरु पनि समावेश गरिएको छ । संक्रमित मध्ये १५ हजार ३ सय ४४ जनाले स्वास्थ्य लाभ गरि घर फर्किएका छन् भने ९ सय २५ जनाको निधन भएको छ ।

बिहिबार, जापानका ४३ वटा प्रान्तहरुमा संक्रमण शुन्य रहेको थियो ।

बुधबार जापानभर २६ जनामा मात्रै कोरोना संक्रमण, संक्रमणको उतार -चढाबले अवस्था सहज नबन्ने संके

बिहीबार ३३४ जना नयाँ संक्रमित थपिए, सक्रमितको संख्या २६३४ पुग्यो