काठमाडौं । पछिल्लो २४ घण्टामा देशभर थप २७८ जना कोरोना भाइरस संक्रमित थपिएका छन् । यो सँगै नेपालमा कोरोना संक्रमितको कूल संख्या २९१२ पुगेको छ । शुक्रबारको नियमित पत्रकार सम्मेलनमा स्वास्थ्य मन्त्रालयका प्रवक्ता डाक्टर विकास देवकोटाले सो जानकारी दिएका हुन् । २६७ पुरुष र ११ जना महिला छन् ।

देशभरको २१ स्थानमा गरिएको पीसीआर परिक्षणमा विराटनगरमा १५ जना, रुपन्देहीमा २२ जना, धरानमा १९ जना, हेटौंडामा ४ जना, पोखरामा गरिएको परिक्षणमा तनहुँका २ जना, सेतीमा गरिएको परिक्षणमा ११ जना, धुलिखेलमा २२ जना, राप्ती दाङमा २ जना, कर्णालीमा गरिएको परिक्षणमा ९७ जना, कोशीमा १० जना र राष्ट्रिय जनस्वास्थ प्रयोगशाला टेकुमा ७४ जना नयाँ संक्रमित थपिएका हुन् ।
२७१७ जना पुरुष र १९५ जना महिला छनन् ।

प्रदेश १ का १२ जिल्लामा २४२ जना, प्रदेश २ का सबै ८ मा ९९३ जना, बाग्मती प्रदेशका सबै १२ जिल्लामा ८५ जना, गण्डकी प्रदेशका ९ जिल्लामा ५७ जना, प्रदेश ५ का ११ जिल्लामा ९६५ जना, कर्णाली प्रदेशका ७ जिल्लामा ४७९ जना, सुदुरपश्चिमका ९ जिल्लामा ९१ जना गरी ६८ जिल्लामा कोरोना फैलिएको छ ।

यस्तै शुक्रबार ४३ जना डिस्चार्ज भएका छन् । यससँगै नेपालमा डिस्चार्ज हुनेको सङ्ख्या ३३३ पुगेको छ । २७२ जना पुरुष र ६१ जना महिला छन् ।