टोकियो । विशेष कारण जापानमा आफन्तहरु कोही नभएकि एक जना गर्भवती नेपाली महिलाको सहयोगमा एनआरएनए जापानले महत्वपूर्ण पहल गरेको छ । भाषाको अभाव तथा त्यो ठाउँमा दोभासेहरुको पनि प्रबन्ध हुननसक्दा,ति नेपाली महिला समस्यामा परेकि थिईन् । उनको श्रीमान कोरोनाका कारण नेपालमै लकडाउनमा फसेकाले यो समस्या सिर्जना भएको हो ।

एनआरएनएले कसरी सहयोग गर्यो त ?

टोकियोबाट १ सय १० किलोमीटर टाढा रहेको चिबाप्रान्तको कामोगावा सियाकुस्यो फुरेआई सेन्टरबाट फोन आयो र त्यहाँ एक नेपाली गर्भवती महिलालाई समस्या परेको कुरा जानकारी गराईयो । एक जना नेपाली परदेशमा आफन्त कोहि नभई, जापानको ग्रामिण भेगको एक अस्पत्तालमा समस्या छिन् भन्ने थाह पाएपछि,एनआरएनए जापानको तर्फबाट महिला संयोजक संगिता अधिकारीलाई जिम्मेवारी दिईयो । उहाँ नियमित सम्पर्कमा रही आवश्यक सरसहयोग गरि सहजीकरण गराउँदै आउनुभएको छ ।

यसैक्रममा, हिजो जुन १७ तारिख सम्बन्धित निकायले एनआरएनए जापानका अन्य पदाधिकारीहरुको अनुरोध अनुसार उपस्थित हुन समय दिएपछि उक्त स्थानमा अध्यक्ष देबीलाल भन्डारी प्रबक्ता सिद्धार्थ श्रेष्ठ महिला संयोजक संगिता अधिकारी र सदस्य अन्जु भन्डारी पुगेर सेन्टरका कर्मचारी संग समन्वय गरेर त्यहाँबाट पाउने सेवा सुबिधाहरुको लागि थप पहल तथा अन्य आवाश्यक सामग्री हस्तांतरण गरिएको छ।
किन यो समाचार बनाईयो त ?
यस्तो अवस्थामा जापान सरकारबाट थुप्रै सेवा सुबिधा लिन सकिनेछ । तर यसबारे जानकारी प्राप्त नगरेकाले धेरै व्यक्ति हरुको गर्भवती तथा प्रसुती अवस्था कष्टपूर्ण बन्ने गरेको छ । त्यसैले तपाई वा तपाईका आफन्त कोही कसैलाई यस्ता समस्या परेको छ भने, तपाई बसेको स्थान अनुसार, कुयाक्स्यो या,सियाक्स्यो तथा  तस अन्तरगतका होकेनज्योहरुमा  गएर बुझ्न सक्नु हुनेछ। अथवा त्यहाँसम्म पुग्ने माध्यम थाह छैन र कसैको साहयता खोजीरहनुभएको छ भने, एनआरएनए जापानले पनि तपाईलाई सहजीकरण गरिदिनेछ । यो झट्ट हेर्दा सामान्य तर भोग्नेका लागि ठूलो समस्या हो,त्यसैले यो घटनाबाट अरुलाई पनि पूर्वतयारी तथा आवश्यक सहयोग लिन मद्दत पुग्न सक्नेछ भन्ने महशुस गरिएकाले समाचारका रुपमा प्रस्तुत गरिएको हो ।