टोकियो/जापान । जापानको टोकियोमा एक ४ वर्षिय नेपाली बालकको अंगुरको दाना घाँटीमा अडकिएर निधन भएको छ ।

हाल टोकियो बस्दै आएका नेपाल पाचथर याङ्नाम स्थायी घर भएका अनुभव थाम्सुहाङ र फुनबसी केइकीको ४ वर्षिय छोरा गेन्की थाम्सुहाङ को यहि सेप्टेम्बर ७ तारिख असामहिक निधन भएको हो ।

विहान आमाले किन्डर गार्डेन(होईकेन )सकुशल पुर्याएको बच्चालाई किन्डर गार्डने(होईकेन) बाट तुरुन्त आउने जानकारीको फोन आएसगै हस्पिटल पुगेपछि थाहा भयो उहॉको चार बर्षको बच्चाको मृत्यु भईसकेको रहेछ । पढाई लेखाई ठूलो मान्छे बनाउने सपनाका साथ बिहान स्कुल छोडेर आएको छोरा अपरान्ह नहुँदै सँधैको लागि अस्ताए ।

स्कुलले दिएको जानकारी अनुसार, दिउँसोको खाजा खाने क्रममा उनको घाँटीमा अँगुरको दाना अड्किएको हो, त्यसपछि हस्पिटल लगिएको उनलाई हस्पिटलले उपचार गर्नु अगावै मृत घोषणा गरिदियो ।

मृत्यु एकदिन सबैको हुन्छ, त्यो अकाट्य छ, तर यति अल्पायुमै, यस्तो आकस्मिक घटनाबाट केहि क्षणभरमै आफ्नो सन्तानलाई गुमाउनुपर्दाको पिडा त्यो परिवारलाई भन्दा बढी त अरु कसले महशुस गर्न सक्ला र ? दिबङत आत्माको चीर शान्तीको कामनासंगै शोकसंतप्त परिवारमा धैर्य धारण
गर्ने शक्ति मिलोस भन्ने कामना गर्दछौँ ।

यहि शनिबार अन्तिम श्रद्धांजली
स्व. गेन्की थाम्सुहाङको अन्तिम श्रद्धान्जली तथा वाकारे खाइ
२०२०-०९-११ तारिक सुक्रवार बेलुका १८:०० बाट र २०२०-०९-१२ तारिक शनिबार बिहान १०:३०-११:०० निर्धारणा गरिएको छ ।