जापान । गैर आवासीय नेपाली संघको विशेष महाधिवेशनको लागि जापानबाट १ सय २० जना सहित कुल २ हजार ६३८ जना प्रतिनिधिले नाम दर्ता गराएका छन् । गैर आवासीय नेपाली संघको बिशेष महाधिवेशन यहि जनावरी २३ , २४ तारिखमा हुँदैछ । यसका लागि संघले जनावरी १० सम्म प्रतिनिधि दर्ताको लागि समय सिमा तोकेको थियो । म्यादको अन्तिम दिन अर्थात जनवरी १० सम्म २ हजार ६३८ जनाले प्रतिनिधि हुनको लागि फर्म भरेको सघले जनाएको छ ।

संघका महासचिव डा . हेम राज शर्माका अनुसार प्राप्त फर्महरुका प्रतिनिधिहरुको विवरण सहित सम्पूर्ण राष्ट्रिय समन्वय परिषद ( एनसीसी ) हरुलाई प्रमाणीकरणको लागि पठाइएको छ । एनसीसीबाट प्राप्त प्रमाणीकरण गरिएका प्रतिनिधिहरुको दावी – बिरोध सहित भएको अन्तिम लिष्ट आगामी बैठकले पास गरेपछि सार्वजनिक गरिने छ ।