टोकियो। जापानको राजधानी टोकियो विश्वका धनी मानिसहरुको रोजाईको दोस्रो नम्बरमा परेको छ ।

द वेल्थ रिपोर्ट २०२० ( the wealth report 2020)का अनुसार विश्वका धनी मानिसहरुको पहिलो रोजाईमा भने विगत वर्षहरुमा जस्तै अमेरिकाको न्युयोर्क पर्न सफल भएको छ । यस पटक जापानको टोकियो र अमेरिकाकै लस एन्जेल्स दुवै स्थान विश्वका धनीहरुको रोजाईको दोस्रो नम्बरमा परेका हुन् ।

नाईट फ्रान्क नामक संस्थाले हरेक वर्ष “ द वेल्थ रिपोर्ट “ नामक एक अध्ययन रिपोर्ट सार्वजनिक गर्दछ । यस रिपोर्टमा विश्वका विभिन्न मुलुकका विभिन्न सहरहरुको सम्पन्नता सुचकहरु मापन गरि,त्यस सहरमा रहन चाहने या रहिरहेका सम्पन्न मानिसहरुको व्यक्तिगत शुद्द सम्पत्तीको मूल्यांकन गरिन्छ । यस पटक यस रिपोर्टको सर्वपक्ष मुल्यांकनमा भने टोकियो- न्युयोर्क, लण्डन, पेरिस, हङकङ, लस एन्जेल्स, सिकागो, सिंगापुर, बेईजिङ, वासिंगटन, सन्फ्रान्सिस्को, सांघाई पछिको १३ औँ नम्बरमा रहेको छ । तर यसै रिपोर्टको वेल्थ र्याङ्किङमा भने दोस्रो नम्बरमा पर्न सफल भएको हो । त्यस्तै रिपोर्टमा जनाईए अनुसार टोकियो ईन्भेस्टमेन्ट र्याङ्किङ र लाईफस्टाईल र्याङ्किङिमा क्रमस: ३७ र १४ औँ स्थानमा परेको छ ।