टोकियो/जापान । गैरआवासीय नेपाली संघ (एनआरएनए )जापान क्षेत्रीय कार्यसमिति कान्तोको ७औं अधिवेशन मे ३० तारिख गरिने भएको छ ।

एनआरएनए, कान्तो जापान क्षेत्रीय कार्यसमितिको मे ११ तारिख मंगलबार बसेको जुम बैठकले २०२१ मे ३० तारिख ७औं अधिवेशन गर्ने निर्णय गरेको हो ।
एनआरएनए राष्ट्रिय समन्वय समिति जापानले मे १५ देखि जुन १५ सम्म जापानका सम्पुर्ण क्षेत्रीय कार्यसमितिहरुलाई अनिवार्य रुपमा अधिबेशन सम्पन्न गर्न भनि दिएको निर्देशन बमोजिम कान्तो क्षेत्रीय कार्यसमितिको बैठकबाट मे ३० आईतवारको दिन सोल्मारी हल ओकुबुमा बिहान ११ बजेबाट अधिबेशन गर्ने निर्णय गरिएको कान्तो क्षेत्रीय कार्यसमितिका संयोजक राकेश रुम्बाले जानकारी दिनुभयो ।

संस्थाका संयोजक राकेश रुम्बाको अध्यक्षतामा बसेको बैठकले बिजय थकालीको संयोजकत्वमा ५ सदस्यीय निर्वाचन कमिटी बनाएको छ । निर्वाचन समितिको सदस्यहरुमा बाबुराम पौडेल , बाबुराम सापकोटा, हरि सापकोटा र लेलिन भट्टचन चयन गरिएको छ ।

कार्य समितिको बैठकबाट उम्मेद्धारी शुल्क पनि निर्धारण गरिएको छ । उक्त बैठकबाट उम्मेद्धारी शुल्क संयोजकको लागि शुल्क ७ मान, उपसंयोजकको ५ मान,सचिवको लागि ४मान , कोषाध्यक्षको ४ मान , सह(कोषाध्यक्ष,सचिब)३मान निधारण गरिएको छ भने सदस्य पदको लागि १ मान ५ हजार येन निधारण गरिएको विज्ञप्तिमा उल्लेख छ ।