टोकियो/जापान । गैरआवासीय नेपाली संघ जापान कान्तो क्षेत्रीय समितिमा भिमसेन रायमाझीले संयोजक पदका लागि दावेदारी प्रस्तुत गरेका छन् ।

वर्तमान समितिमा उप-संयोजक रहेका रायमाझी, एनआरएनए जापान कान्तो समितिको सकृय दावेदार हुन् । संस्थामा पदमा रहेर मात्रै नभई पदमै नरहँदाका समयमा पनि, गैरआवासीय नेपाली संघ जापानका विभिन्न कार्यक्रमहरुमा सकृय स्वयमसेवा गर्दै,अग्रज एनआरएनए अभियन्ताहरुको केन्द्रमा रहन सफल,रायमाझी आफ्नो कामकै कारण वर्तमान पदमा चयन भएको र अब संयोजक भएर एकपट क्षेत्रलाई संयोजन गर्दै एनआरएनए अभियानलाई अगाडी बढाउने उदेश्यले उम्मेदारी प्रस्तुत गरेको बताउँछन् ।

सन २०१२ देखि जापानमा रहँदै आएका रायमाझी,एनआरएनए अभियानमा जोडिनु अघिपनि जापानमा अन्य युवा समूहहरुमा पनि आवद्द भई, सकृय नेतृत्व सहितका जिम्मेवारीहरु निर्वाह गर्दै आएको बताउँछन् । सकेसम्म सहमतीमै टुंग्याउने प्रयास भईरहेको भएतापनि सहमती जुट्ने सम्भावना झिनो भएकाले प्रतिष्पर्धामै जाने तयारी गरेको बताए ।

रायमाझीसंगै, यसपाली, संयोजक पदमा दिपेश केसी र बिमानसिंग मोक्तानले दाबेदारी प्रस्तुत गरेका छन् ।