चिबा/जपान । गैर आबशिय नेपाली संघ (एनआरएनए) जापानको चिबा क्षेत्रीय कमिटिको दोश्रो अधिबेशन आइतबार चिबाको फुनाबासीमा सम्पन्न भएको छ ।

एनआरएनए जापानका बरिष्ठ उपाध्यक्ष अनिता गुरुङको प्रमुख आतित्यथामा सम्पन्न भएको उक्त अधिबेशनले मुक्ति रेग्मीको संयोजकत्वमा नया कार्य समिति चयन गरेको छ । नया कार्यसमितिको उप- संयोजकमा सुरज राइ र राजन भट्टराई, सचिबमा शंकर सुबेदी सह-सचिबमा रमेश गिरि, कोषाध्यक्षमा समिर खड्का, सह-कोषाध्यक्षमा प्रकाश थापा सर्बसम्बत चयन भएको निर्वाचन कमिटिका संयोजक रामकृष्णबम मल्लले जानाकारी दिए । त्यसैगरी सदस्यहरुमा खगेन्द्रप्रसाद भट्ट, मोहन कार्की,यामलाल कंडेल र विक्रम गुरूङ रहेका छन् ।

संयोजकमा सर्बसम्बत चयन भएपछि रेग्मीले सबैसंग हातेमालो गर्दै सस्थालाई सक्रिय बनाउने प्रतिबद्दता ब्यक्त गरे । अधिबेशनको अन्त्यसम्म संयोजकमा रेग्मी संगै निबर्तमान उप- संयोजक लक्ष्मी केसी महर्जनले पनि दावी गरेकी थिइन् । निर्वाचन प्रकृयामा भन्दा सर्बसम्मत नेतृत्व चयन गर्दा कार्य सम्पादन गर्न सजिलो हुने भन्दै रेग्मीलाई समर्थन जनाएपछि सर्बसम्बत भएको हो ।

अधिबेशनले सचिब राजन भट्टराइले पेश गरेको संगठनात्मक प्रतिबेदन र कोषाध्यक्ष मुक्ति रेग्मीले पेश गरेको आर्थिक प्रतिबेदन पनि पास गरेको छ । सहसचिब शंकर सुबेदीले संचालन गरेको कार्यक्रममा १ दर्जन भन्दा व्यक्तिहरुले शुभकाना बन्तब्य ब्यक्त गरेका थिए ।