सिजुओका/जापान । जापानको सिजुओका केनको आतामी सहरभित्र पर्ने ईजुसान वार्डस्थित पहिरोमा परि २ जना अचेत अवस्तामा अस्पत्ताल भर्ना गरिएको छ भने २० जना भन्दाबढी मानिसहरुको अवस्था अज्ञात रहेको बताईएको छ ।

आज बिहान १० देखि ११ बजेको बिचमा आतामीको ईजुसान वार्डमा पहिरो जाँदा,त्यस क्षेत्रका केहि मानिसहरु हराईरहेका छन् । यद्यपी कति मानिसहरु हराईरहेका छन् यानेकि पहिरोमा परे भन्ने ठ्याक्कै यकिन भने अझै हुन सकेको छैन । बिहानै देखि उद्दारमा खटेको स्थानीय निकाय तथा प्रान्त सरकारले जति सक्दो चाँडो बास्तविक क्षति पत्ता लगाउने बताएको छ ।

हाल, उक्त पहिरोका कारण बगेर आएको ढुंगामाटो पन्छाउने तथा पुरिएका मानिसहरुको खोजि कार्य भईरहेको छ । करिब ३० हजार मानिसहरुलाई प्राभावित बनाएको पहिरोको क्षति अझै बढ्ने आँकलन गरिएको छ ।

मौसम विज्ञान विभागका अनुसार आईतबार ( भोलि ) पनि वर्षाको सम्भावना रहेकाले अझै सतर्कता अप्नाउन जरुरी छ ।