टोकियो/जापान । गैरआवासीय नेपाली संघ (एनआरएनए)जापानको नयाँ कार्यकाल ( सन २०२१-२३)को लागि राजु पनेरुले सदस्य पदमा दावेदारी प्रस्तुत गरेका छन् ।

पनेरुले नेपालन्युजपोस्टसंग भने-‘एनआरएनए जापान राष्ट्रिय समन्वय परिषद २०२१-२०२३ कार्यकालका लागि सदस्य पदमा उम्मेदवारी दिनेछु ।’नेपालमा स्नातक तहसम्म अध्ययन पुरा गरेका पनेरु विगत १ दशकदेखि जापानमा रहँदै आएका छन् । पनेरु जापानमा हाल जापानी कम्पनीमा काम गर्दै सामाजिक संघसंस्थामा सक्रिय रहँदै आएका छन् । गोरखा समाज जापानको संस्थापक उपाध्यक्षको रुपमा काम गरिसकेका पनेरुले एनआरएनए जापान क्षेत्रीय समिति तोचिगिको स्थापनामा सल्लाहकारको भूमिका निभाएका थिए ।

यसअघि सन् २०१७-२०१९ मा पनि एनआरएनए जापानको सदस्य तर्फ उम्मेदवारी दिएका पनेरु एनआरएनए जापानभित्र देखिएको विकृति , विसंगति र आर्थिक अपचलनका कुराहरूलाई संस्था भित्र रहेर खबरदारी गर्न आफुले उम्मेदवारी दिएको बताउछन् । संस्थालाई व्यक्तिकरण गरिनु हुँदैन , संस्थागत तवरलै विधि र विधान सम्मत चलाईनुपर्छ भन्ने उदघोषका साथ एनआरएनए जापान (सन २०२१-२०२३) कार्यकालको लागि केन्द्रीय सदस्य पदमा उम्मेदवारी घोषणा गरेका राजु पनेरुले जापानवासी नेपालीहरुबाट सकारात्मक सल्लाह , सुझाब र सहयोगको अपेक्षा गर्दै सत्य मन , बचन र कर्मले काम गर्ने प्रतिबद्धता ‘ जनाएका छन् ।