टोकियो/जापान । निवर्तमान कार्यसमितिका केहि पदाधिकारी तथा जुलाईमा सम्पन्न निर्वाचनका पराजित केहि उम्मेद्वारहरुले मन लाग्दीरुपमा एनआरएनएको कार्यलयमा प्रवेश गरी, एनआरएनएका निर्वाचित कार्यसमिति तथा संस्थगत मर्यादा विरुद्धको गतिविधि संचालन गरेको प्रति गैरआवासीय नेपाली संघ( एनआरएनए) जापानले आपत्ती प्रकट गरेको छ ।

एनआरएनए जापानले सोमबार जारी गरेको विज्ञप्तीमा,निवर्तमान कोषाध्यक्षले निर्वाचित कार्यसमितिलाई बुझ बुझारथ नगरी बैंक खाता तथा कार्यलयलाई जथाभावी आफु अनुलकल दुरुपयोग गरेको आरोप सहित आर्थिक अपचलका विषयमा कानुनी उपचार खोजिने उल्लेख गरेको छ ।

यसअघि हिजो( सेप्टेम्बर १२ तारिख) निर्वतमान कार्यसमितिका केहि पदाधिकारी तथा सम्पन्न निर्वाचनका पराजित उम्मेद्वारहरुको एक समूहले एनआरएनए जापानकै कार्यलयमा बैठक बसी जुलाईमा सम्पन्न निर्वाचन खारेज गरि पुन: निर्वाचन गरिनुपर्ने माग सहित विज्ञप्ती प्रकाशन गरेका थिए ।

एनआरएनए जापानको निर्वाचन पुन: गरिनुपर्ने असन्तुष्ट पक्षहरुको माग, यस्तो छ असन्तुष्ट पक्षहरुको विज्ञप्ती

उक्त गतिविघिका विरुद्धमा एनआरएनए जापानद्वारा प्रकाशित विज्ञप्ती जस्ताको त्यस्तै

सम्पन्न,निर्वाचन तथा सिर्जित विबादका बारेमा एनआरएनए जापानभित्र यत्रो हल्ला खल्ला हुँदा समेत एनआरएनए आईसिसिले भने कुनै निर्णायक भूमिका खेलेको देखिँदैन ।