टोकियो/जापान । तपाई यदि जापानमा हुनुहुन्छ या कुनैदिन आउनुभयो भने यहाँका अधिकांस आविस्कार तथा सेवा/ सुविधाहरु देखेर मन मनै दंग पर्नुहुनेछ ।

जापानको विकास, प्रविधि, काम गर्ने संस्कार आदि सँधै जो कोहिलाई पनि जिज्ञासु बनाउन काफी छ । यहाँ मानिसहरुको दैनिक जीवनयापनलाई सहजीकरण गर्न प्रयोग हुने गरेका प्रविधी तथा काम गर्ने तरिकाहरु साँच्चै वर्णन गर्न लायक हुने गर्दछन् । आजको यस सामग्रीमा जापानका केहि रचनात्मक जीवनशैलीको चर्चा गर्नेछौँ ।

१.दमकल भित्र पनि दमकल
यो चित्रमा देखाईए जस्तै दमकल भित्र फेरि अर्को दमकल देखिनु जापानमा अनौठो कुरा होईन । आगलागि भएक सिंगो बजार नै खरानी हुँदा पनि एउटा दमकलको व्यवस्था नहुने गरिव राष्ट्रबाट आएका विदेशीहरुको लागि जापानको चुस्त दमकल सेवा र यसका विभिन्न रचानात्मक शैलीहरु अचम्म लाग्दो हुने गर्दछ । यो चाहीँ खास ठूलो बाटो भएको ठाउँसम्म ठूलो दमकल नै उपयोग गर्ने तर ठूलो दमकल जान नसक्ने ठाउँको लागि तत्काल उपयोग गर्न सकिने अवधारणा अनुसार बनाईएको दमकल हो ।

२.पारदर्शी शौचालय
जापानमा विश्वकै अनौठो पारदर्शी शौचालयहरु बनाईएका छन् । यस प्रकारको शौचालय चाहीँ जापानको राजधानी टोकियोको महानगर भित्र मात्रै उपलब्ध छन् । यो एउटा यस्को शौचालय जो भित्रको दृश्य सबै बाहिरबाट देखिन्छ ।यसबार् थप बुझ्न यो भिडियो हेर्नुहोस्

३.भवन भित्र सडक
जापानको एक सहरमा ठूलो अग्लो बिल्डिङ् भित्रबाट सडक बनाईएको छ । यो धेरै विदेशी पर्यटकहरुलाई आकर्षण गर्न सफल छ । केहि रचनात्मक उपाय सहित मानिसहरुको दैनिक जीवनमा सहजता ल्याउने जापानी शैली गज्जब छ ।

४.भर्याङ् चढ्ने ट्रलीहरु
जापानमा नयाँ बनेका प्राय सबै ठाउँहरुमा लिफ्ट र स्केलेटरहरु छन् । तर पुरा ट्रेन स्टेशनहरु तथा घरहरुमा जहाँ लिफ्ट छैन, त्यहाँ यस्ता पांग्रावाला भर्याङ् सजिलै चढ्ने प्रविधिको प्रयोग भएको पाईन्छ ।