टोकियो/जापान । जापानको राजधानी टोकियोको बुन्क्यो वार्डमा रहेको टोकियो विश्वविद्यालयमा प्रवेश परिक्षा दिन पुगेका २ जना परिक्षार्थी र अर्का एक मानिसलाई  धारिलो हतियार प्रहार गरि घाईते बनाएपछि, ज्यान मार्ने उद्यम गरेको अभियोगमा एक जना विद्यार्थीलाई  पक्राउ गरिएको छ ।

जापानी संचार माध्यमहरुले जनाए अनुसार घाईते भएका २ परिक्षार्थी सहित ३ जनै  होसमै रहेका छन् । घटना आज ( जनवरी १५ तारिख) बिहान ८ बजेपछि,टोकियो विश्वविद्यालय परिसरमा घटेको हो ।

विश्वविद्यालय परिसरमा रहेका २ जना परिक्षार्थी तथा एक जना  ७० वर्ष उमेर समुहका जस्ता देखिने मानिसलाई  धारिलो हतियार प्रहार गरी घाईते बनाएको बताईएको छ । हाल, घाईते  ३ जनाको अस्पतालमा उपचार भईरहेको छ ।

प्रहरीले घटनास्थलबाट एक १७ वर्षिय युवालाई घटनाको अभियुक्तको आशंकामा पक्राउ गरेको छ ।अहिले  प्रहरीले  घटनाबारे थप अनुसन्धान अघि बढाएको छ ।

स्रोतः एनएचके अनलाईन