काठमाडौं । बुवाको हत्या गरेको आरोपमा प्रहरीले दुइभाई छोरालाई पक्राउ गरेको छ । बिहिबार साँझ ६५ वर्षीय न्हुच्छे नारायण महर्जनलाई छोराहरुले प्रेशर कुकर र लोहोरोले हिर्काएर हत्या गरेका थिए ।

पक्राउ पर्नेमा मृतकका छोराहरु ४५ वर्षका शंकर महर्जन र ४० वर्षीय कृष्ण कृष्ण महर्जन छन् । कुटपिटबाट गम्भिर घाइते भएका न्हुच्छे नारायणको उपचारको क्रममा गएराती वीर अस्पतालमा मृत्यु भएको महानगरीय प्रहरी परिसर काठमाडौंका एसपी दिनेशराज मैनालीले रातोपाटीलाई बताए ।

कीर्तिपुर नगरपालिका स्थित पाण्डेछापमा मादक पदार्थ सेवन गरेर छोराहरुले बुवालाई मरणासन्न हुनेगरी कुटेका थिए । टाउकोमा लोहोराले हिर्काउँदा गम्भिर घाइते भएका न्हुच्छे नारायणलाई प्रहरीले अस्पताल पठाएको थियो । घटनाबारे महानगरीय प्रहरी वृत कीर्तिपुरले अनुसन्धान गरिरहेको छ ।