गैरआवासीय नेपाली संघ(एनआरएनए) जापानको निर्वाचन सम्पन्न भएको झन्डै सात महिना बितिसकेको छ। अझै केही व्यक्तिहरु आफैले गराएको निर्वाचनमा पराजित भएपछि बिभिन्न बखेडा झिकेर पुनः निर्वाचनको माग गरिरहेका छन् भने बिजयी समुह भने पुनः निर्वाचित हुनै नसक्ने अडानमा छ।

केही दिन अगाडी आईसीसी पुर्व अध्यक्ष शेस घलेको निर्देशनमा अर्का पुर्व अध्यक्ष एनआरएनए सदस्यता सम्म नलिएका देवमान हिराचनलाई दुई दिनमा मिले मिल्छन नमिले निर्वाचन गराउनु भन्ने पत्र पठाईएछ। जसले समस्या समाधान नभई थप बल्झाईदिएको छ । जापानको पछिल्लो विवाद र वास्तविकतासंग सम्बन्धित केहि बुँदाहरुः

१- सबै भन्दा पहिला तपाईको पत्र नै मिल्न नदिने बलियो हतियार भयो किन की पराजित समुहले चाहे कै पुन निर्वाचन हो जो नमिल्दा प्राप्त हुने तपाईहरूको पत्रको आशय प्रष्ट छ।
२- पुर्व अध्यक्षको नाता ले सुझाब दिन सक्नु हुन्छ तर निर्देशन चल्दैन।
३- बर्तमान कार्यसमिति NRNA ICC नै NRNA क्षेत्रमा सबै भन्दा ठुलो निकाय हो जस्लाई बिधान र बिधिले बाधेको हुन्छ।
४- NRNA NCC जापानले NRNA ICC चिन्छ र ICC को निर्देशनको पालना गर्छ कुनै झ्यालबाट आएको पत्रमा समयको बर्बादि गर्दैन।
अहिले पछि उठाईएका बिषयहरू निर्वाचन अगावै थाह भएका कुरा हुन जुन बिषयहरू बैठकबाट टुङ्गाएर केही सहमति गरि निर्वाचन सम्पन्न भएको बिषय हो।
असन्तुष्ट पक्षले उठाउदै आएको मुख्य बिषय ईमेल परिवर्तन गरिएको बिषय नै हो भन्दै गर्दा कतिपय ईमेल चेन्ज आफै स्वयं पनि गर्नु भएको छ।
कतिपय ईमेल चेन्ज गराईयो भन्दै गर्दा आजको मिति सम्म कोही पनि मेरो ईमेल चेन्ज कस्ले गर्यो भन्न कोही आउनु भएको छैन। तर केही ठेकेदारी प्रथाबाट बनेका सदस्यहरूको भने चोर माथिको चण्डाल भने जस्तो अर्का ठेकेदार समुहले ईमेल बिगारिएको चाही भेटियो। यस्का बाबुजुत बैठकमा चर्को कुरा उठे ईमेल सच्चाऊन तिन दिन समय उपलब्ध गराईयो जस्मा झन्डै बाह्र सयको ईमेल सच्चाएको पाईयो। मेल परिवर्तन गर्ने गिरोह पत्ता लगाई कार्बाहीको दायरामा ल्याउनु पर्ने हाम्रो पनि माँग हो।
तर जापानमा देखिएको लडाई त एउटा बाहना मात्र हो निसाना एनआरएनए आईसिसि तिरै हो ।