अहिले जापान आउने धेरै साथीहरुको गुनासो देखिन्छ कि भिएफएसले अपोईन्टमेन्ट नै दिएन । सामाजिक संजालहरुमा हरेकदिन धेरैको गुनासो देख्दा मलाई पनि त्यस्तै लागेको थियो । जापान त खुल्यो त तर जान पाउने कहिले पो ?

आफु पनि झण्डै १८ महिनादेखि जापानको ढोका कहिले खुल्ला र छिरौँला भनेर बसिरहेको मान्छे हत्तार हत्तार आवश्यक कागजातहरु तयार पार्न लागेँ । र अस्ति आवश्यक कागजात बोकेर भिएफएस पुगेँ । जापान जान चाहने साथिहरुको भिडम्भिड थियो । साथीहरुले फेसबुकतिर लेखेको गुनासो सहि नै रहेछ जस्तो लाग्यो ।

तर एकछिन लाईनमा बसेपछि थाह भयो कि, गल्ति त भिएफएसको होईन रहेछ । हाम्रै रहेछ । अधिकांस मानिसहरु आफ्नो लागि आवश्यक डकुमेन्टनै पुरा नगरि जाँदा रहेछन् । अनि आफु त्यहाँ जानुपर्ने हो या होईन केहि कन्फर्म नै नगरि जाँदा रहेछन् । जसका कारण तोकिएको समयमा काम सम्पन्न हुन निकै गाह्रो रहेछ ।

यसका अलवा त्यहाँ लाईनमा बस्दा होस या कागजात बुझाउँदा जति मिलेर बस्न आग्रह गरेकापनि हामीहरु मिलेर शान्तसंग आफ्नो पालो नै कुर्न सक्दो रहेनछौँ । अनि जसलाई पनि आफु मात्रै पहिलो हुनुपर्ने होडबाजी चल्दोरहेछ । परिणामा कसैको पनि कामै नबन्दो रहेछ । तर पुरा कागजात लिएर त्यहाँ पुगेका अन्य साथीहरुसंगै मेरो काम चाहीँ एकैदिनमा भयो । धन्यवाद जापान !भिएफएस र राजदुतावास

(यो उनको सामाजिक संजालबाट लिईएको अनुभव हो। तपाईको फरक भए हामीलाई पठाउन सक्नु हुनेछ ।)