टोकियो/जापान । जापानमा वैधानिकरुपमा वसोवास गर्ने नेपालीहरुको कुल संख्या ९७ हजार १ सय ९ जना पुगेको छ । जापान सरकारको अध्यागमन बिभागले घोषणा गरेको पछिल्लो तथ्यांक अनुसार यो संख्या कायम भएको हो ।

जापान सरकारले हालै जारी गरेको,जापानमा रहेका विदेशीहरुको पछिल्लो तथ्याङ अनुसार, विदेशीहरुको कुल सख्या २७ लाख ६०हजार ६३५ रहेको छ। यो अघिल्लो बर्षको तुलनामा १लाख २६ हजार ४८१ ले कमी हो। जापानमा चीन, भियतनाम, कोरिया, फिलिपिन्स, ब्राजिल पछिको ठुलो जनसख्यामा बसोबास गर्ने बिदेशीहरुमा नेपाली पर्दछन्। नेपाली पछी क्रमशः इन्डोनेसिया, अमेरीका, ताइवान र थाइल्यान्ड पर्दछ।

कोरोनाको कारणले जापानमा अधिक बसोबास गर्ने १० मुलुकहरुका मानिसहरु मध्ये नेपाली बाहेक सबैको जनसख्या घटेको छ। तर कोरोना महामारी तथा सीमा प्रतिबन्धका बाबजुद पनी नेपालीहरुको जनसख्या ९७ हजार १०९ पुगेको छ। यो संख्या गत बर्षको भन्दा १,१२७ ले जनाले बढि हो।

अध्यागमन सेवा एजेन्सीले जारी गरेको तथ्याङ्क अनुसार जापानमा बस्ने विदेशीहरूमा नेपालीहरूको संख्या छैठौ स्थान रहेको छ । गत वर्षको तुलनामा यस वर्ष १ हजार १ सय २७ जना नेपालीको संख्या बढेको तथ्यांकमा उल्लेख गरिएको छ ।
जापानमा बसोबास गर्ने सबै भन्दा धेरै जनसंख्या ७ लाख १६ हजार ६०६ चिनिया, दोस्रोमा भियतनामका ४ लाख ३२ हजार ९३४ र क्रमश कोरिया, फ़िलिपिन्स, ब्राजिल, इण्डोनेसिया, अमेरिका ताइवान रहेका छन्।