टोकियो/जापान । जापानको मियागी प्रिफेक्चरमा अवस्थित सेन्दाईमा अध्ययनको शिलशिलाम् रहेका विद्यार्थीहरुको आउँदो जुलाई १८ तारिख वृहत भेला आयोजना हुनेभएको छ ।

सेन्दाईमा अध्यनरत सम्पूर्ण विद्यार्थीहरूलाई एकीकृत गरी विद्यार्थीहरुको हक,हित र अधिकारलाई सुनिस्चित गर्न सन २०२० देखी सक्रिय रुपमा निरन्तर कार्य गरिरहेको सेदाई बिधार्थी समुहले जुलाई १८ तारिख प्रथम अधिवेशन गर्ने तयारी गरेको समूहका संस्थापक तथा संयोजक गोकर्ण रुपाखेतीले नेपालन्युजपोस्टलाई बताए ।

संस्थापक रुपाखेतीका अनुसार,सन २०२० को अन्त्यतिर कोरोना महामारीका कारण सेन्दाई अस्तब्यस्त बन्न पुग्यो । धेरै विद्यार्थीहरु संक्रमित भए,उनिहरुले भएका काम गुमाऊनु पर्यो र दैनिक जिवन कस्टकर बन्यो। धेरै संघसंस्था र व्यक्तिलाई अनुरोध गर्दा पनी केही सहयोग पाउना सकिएन त्यस पश्चात यि र यस्तै समस्यालाई मध्यनजर गर्दै सबै विद्यार्थीलाई एक हुन आह्वान गर्दै सेन्दाई विद्यार्थी समुह म्यासेंजर ग्रूप बनाई एक अर्काको समस्यामा सहयोग आदानप्रदान गर्ने उदेश्य सहित यो समूह अस्तित्वमा आएको हो । अहिले, सेन्दाईमा आएका नयाँ विद्यार्थीहरूको दैनिकी सहज बनाउन आवश्यक पर्ने बैक खाता खोल्न देखी काम लगाउने सम्मको काममा समूहका सदस्यहरु खटिरहेको छ ।

सेन्दाईमा ऐतिहासिक कार्यक्रम आयोजना हुँदैः

जुलाई १८ का लागि तय गरिएको सेन्दाई विद्यार्थी समूहको प्रथम अधिवेशन( नवप्रवेशि बिधार्थी स्वागत तथा सहयोगी अग्रज सम्मान कार्यक्रम ) भव्य हुने भएको छ । संयोजक रुपाखेतीले जनाए अनुसार,उक्त कार्यक्रमका लागि जापानभरबाट सहयोगीहरुले हात अघि बढाएका छन् । हालसम्म २ लाख ५ हजार ५ सय ५५ येनको सहयोग प्रतिवद्धता प्राप्त भएका छन् । अधिवेशन पश्चात सेन्दाईमा रहेक़ो सबै बिधार्थीहरू संग हातेमालो गर्दै विभिन्न कार्यक्रम गर्ने योजना रहेको बताईएको छ ।