नागोया/जापान। जापानको टोकियो तथा फुकुओकापछि अब आउँदो सेप्टेम्बर ३ र ४ तारिख नागोया सहरमा नेपाल फेस्टिवल २०२२आयोजना हुने भएको छ।

संयोजक तथा एनआरएनए आईसीसी सदस्य दीपक कार्कीका अनुसार,जापानीहरुलाई नेपाली मौलिक परम्परा,कला/संस्कृती, विभिन्न धार्मिक तथा जातिय परम्परागत झाँकीहरुका साथै नेपाली परिकारहरु प्रदर्शन/बिक्री बितरण गर्दै जापानीहरुलाई नेपालचिनाउने अभिप्रायका साथ आयोजना हुन लागेको दोस्रो नागोया नेपाल फेस्टिवल २०२२ को तयारी तीब्र पारिएको छ।

यस पटकको नागोया नेपाल फेस्टिवलमा रेस्टुरेन्ट तथा अन्य सेवा प्रदायक व्यवसायिक फर्महरु सहित २७ वटा स्टलहरु रहनेछन्।कार्यक्रम (सेप्टेम्बर ३ र ४ तारिख) नागोया सहरको एडिअन हिसाया हिरोबा(〒460-0008, 愛知県名古屋市中区栄 3丁目65エディオン久屋広場)मा आयोजना हुनेछ।

गैरआवासीय नेपाली संघ जापान क्षेत्रीय समिति नागोया र जापान स्थित नेपाली दुतावासको संयुक्त आयोजनामा हुने फेस्टिवलमा नेपाल सरकारका विशेष प्रतिनिधिहरु सहित जापान सरकार तथा नागोया सहरका विशेष पदाधिकारीहरुको आतिथ्यता रहने बताईएको छ। थप यो भिडियो हेर्नुहोला