टोकियो/जापान। यो वर्षको सुरुवातदेखि,निरन्तर उकालो लागेको जापानको महंगी जुलाइमा थप वृद्धि भएको तथ्यांक सार्वजनिक भएको छ । जापानमा वास्तविक उपभोक्ता मूल्यहरू जुलाईमा एक वर्ष अघिको तुलनामा २.४ प्रतिशतले बढेको छ, जुन साढे सात वर्षमा बढ्दो सामग्री र ऊर्जा मूल्यहरूको बीचमा सबैभन्दा तीव्र वृद्धि हो ।

आन्तरिक मामिला तथा सञ्चार मन्त्रालयले जनाए अनुसार, देशव्यापी वास्तविक उपभोक्ता मूल्य सूचकांक( ताजा खाद्य वस्तुहरू बाहेक)लगातार ११ औं महिनामा वृद्धि भएको हो । यस अघि सन २०१४ को डिसेम्बर पछिको वृद्धि सबैभन्दा तीव्र कायम भएको थियो ।सोही वर्षको अप्रिलमा उपभोग कर वृद्धि पछि सूचकांक २.५ प्रतिशतमा पुगेको थियो ।

त्यो कर वृद्धिको प्रभावलाई छोडेर हेर्ने हो भने जुलाईको वास्तविक उपभोक्ता मूल्य यन २००८ को अगस्ट पछिकै उच्च थियो ।जुलाईमा मुद्रास्फीति वृद्धि लगातार चौथो महिनाको लागि बैंक अफ जापानको २ प्रतिशत लक्ष्य नाघेको छ। यसका अलवा रुसतो युक्रेनमाथिको आक्रमणका कारण देखिएको तेल तथा गहुँ आयातमा बढेको लागतले वास्तविक उपभोक्ता लागत बढ्न पुगेको हो ।

विश्लेषकहरुका अनुसार, वास्तविक उपभोक्ता मूल्य आफ्नो लक्ष्य भन्दा माथि रहेको भए तापनि, बैंक अफ जापानले आफ्नो अति कम मौद्रिक नीति कायम राख्ने सम्भावना छ, तर अन्य प्रमुख केन्द्रीय बैंकहरूले मुद्रास्फीति रोक्न ब्याज दर बढाउन थालेका छन् । जापानमा यस वर्षको जुलाईसम्ममा विभिन्न वस्तु तथा सेवाहरु गरि २० हजार भन्दा वस्तु तथा सेवाहरुको मूल्य वृद्धि भएको छ।