योकोहमा/जापान। कानागावा नेपाली कम्युनिटीले हिजो(अगस्ट ३० तारिख) तीज कार्यक्रम सम्पन्न गरेको छ। बिगत लामो समयदेखी यस संस्थाले निःशुल्क प्रवेश र दर खुवाउने कार्यक्रम गर्दै आएको छ। सोही क्रममा यस वर्षपनि कार्यक्रम सम्पन्न भएको हो ।

कार्यक्रमको सभापतित्व संस्थाका अध्यक्ष राजेन्द्र श्रेष्ठ ले गरेका थिए भने प्रमुख अतिथिमा एनआरएनए जापानकी उपाध्यक्ष संगिता अधिकारी सुवेदी र बिशेष अतिथिहरूमा संरक्षक जिज्ञान कुमार थापा, निवर्तमान अध्यक्ष हरि सापकोटा, निर्वाचन मण्डलका संयोजक प्रकाश पौडेल माईला, सदस्यहरू बाबुराम भण्डारी, लोकनाथ वस्ति, एनआरएनए जापानका महासचिब सिद्धार्थ श्रेष्ठ र सल्लाहकार देवीलाल भण्डारी थिए।

तीज कार्यक्रमकै अवसरमा नवनिर्वाचित कार्यसमितिलाई प्रमाणपत्र पनि प्रदान गरिएको थियो। कार्यक्रममा शान्ता जिसी,अमित सापकोटा, खेमराज पौडेल, शर्मिला तामाङ, निशा क्षेत्रि,र शिव केसी लगायतका कलाकारहरुको प्रस्तुति रहेको थियो ।

सहभागी महिला दिदीबहिनीहरुले भरपर मनोरन्जन लिदै सांगितिक माहोलमा नृत्य गरेका थिए। स्वागत मन्तब्य संस्थाका उपाध्यक्ष यमकान्त कंडेल र संचालन सचिव सुशिल तिवारी को रहेको थियो।