टोकियो/जापान। गत जुलाईमा गोली हानी हत्या गरिएका जापानका पूर्वप्रधानमन्त्री सिन्जो आबेको हिजो(अक्टोबर १५ तारिख)उनको निर्वाचन क्षेत्र रहेको यामागुची प्रिफेक्चरमा अन्तिम श्रद्धांजली कार्यक्रम सम्पन्न गरिएको छ।

प्रिफेक्चरियल अन्त्येष्टिमा बाहलवाला तथा पूर्व सांसदहरू सहित करिब २,००० जना मानिसहरु उपस्थित भई श्रद्धांजली अर्पण गरेका थिए । शनिबार उनको निर्वाचन क्षेत्र रहेको यामागुचीको प्रिफेक्चरमा आबेको सम्झनामा शोक कार्यक्रम आयोजना गरिएको हो ।

सो शोक कार्यक्रममा आबेकी धर्मपत्नी आकी सिमोनोसेकीले भनिन् – “मेरो पतिले यामागुची प्रिफेक्चरलाई माया गर्नुहुन्थ्यो, र यहाँका समर्थकहरूले उहाँलाई जापानको लागि ठूलो काम गर्न दिनुभयो। जसका कारण उहाँको ट जीवनको ६७ वर्ष फलदायी रह्यो।”

जापानको सबैभन्दा लामो समय प्रधानमंत्रीको रुपमा सेवा गर्ने नेता आबेको गत महिना राज्यकीय अन्त्येष्टि गरिएको थियो। उनलाई जुलाई ८ मा जापानको पश्चिमी शहर नारामा चुनाव प्रचार भाषणको क्रममा एक बन्दुकधारीले गोली हानेर हत्या गरेको थियो।यद्यपी राज्यकोषको रकम खर्चीएर गरिएको उनको अन्त्येष्टिले कडा विरोधको सामना गर्नुपर्यो । परिणाम हिजो भएको प्रिफेक्चरल कार्यक्रममा पनि एक समुहले व्यापक विरोध प्रदर्शन गरेका थिए ।