टोकियो/जापान। यस वर्ष जापानमा पहिलो पटक सामूहिक भाईटिका कार्यक्रम आयोजना हुने भएको छ । यहि,अक्टोबर २७ तारिख बिहिबार भाईटिकाको दिन,जापानको राजधानी टोकियोको सिनओकुवो स्थित रोयल गार्डेन रेस्टुरेन्टमा दिदि बहिनी समूह जापानद्वारा जापानमा पहिलो पटक सामूहिक भाईटिक कार्यक्रम आयोजना गरिने भएको हो ।

सामूहकि भाईटिका कार्यक्रमकी आयोजक मध्येकि एक,जापानको नेपाली समुदायका विभिन्न संघसंस्थाहरुमा नेतृत्व गरिसकेकी तमुधीं जापान एवं एनआरएनए जापानकी संरक्षक अनिता गुरुङका अनुसार जापानमा हरेक पर्वमा शुभकामना आदन प्रदान अथवा जापानमा रहेको कलाकार /नेपालदेखी कलाकार बोलाएर भव्य तरिकाले कार्यक्रम गरेको पाइन्छ ।

त्यस्तै तिहारको बेला पनि विभिन्न संघ सस्थाले शुभकामना आदनप्रदानको कार्यक्रम आयोजना गरी रहेको पाईन्छ । तर यही तिहारको बिशेष दिन भाइटीकाको भने कसैले आयोजना गरेको खासै देखिएन र उक्तदिन सामाजीक संजालहरूमा दाजुभाइले टिका लगाउन नपाएको अथवा दिदीबहिनीहरुले पनि सामाजिक संजाल बाट नै शुभकामना दिएको भने प्रसस्त नै पाईन्छ ।

यसो हुंदा अहिले जापानमा नेपालीहरू सवा लाख पुगि सकेको र आउने क्रम जारी रहेकोमा प्राय: युवा वर्गहरू नै धेरैछन र सामाजिक संजालमा मात्र सिमित रहने हो भने हाम्रो संस्कार सस्कृति बिस्तारै लोप हुने देखिन्छ। यो हुन नदिनको लागि हामी केही दिदी बहिनीहरू मिलेर यो बर्ष सामुहिक भाइटिका आयोजना गर्ने निधो गरिएको हो ।

गुरुङका अनुसार यो कार्यक्रममा जो कोहि पनि आउन सक्नु हुनेछ ।यदि जापानमा हुनुहुन्छ र सामूहिक भाईटिकामा सहभागी भई यस वर्षको प्रवासको तिहारलाई स्मरणीय बनाउन चाहनुहुन्छ भने,यो पोस्टरमा रहेका नम्बरमा सम्पर्क गर्न सक्नुहुनेछ ।