टोकियो/जापान। जापानको सर्वोच्च शिखर माउन्ट फुजी भ्रमण गर्ने पर्यटकहरुको संख्या बढ्न गई अत्यन्तै भिडभाड हुने अवस्था सिर्जना भएकाले यामानाशी प्रिफेक्चरले समाधानका लागि अब पहाडी रेलवे विस्तार गर्ने योजना अघि सारेको छ।

३ हजार ७ सय ७६ मिटर अग्लो फुजी हिमाल(माउन्ट फुजी)जापानको सबैभन्दा अग्लो ज्वालामुखीय पहाड हो । यहाँ वर्षेनी लाखौँ मानिसहरु भ्रमणका लागि पुग्ने तथा यसको शिखरमा पाइला टेक्ने मनशायले पुग्ने गर्दछन् ।

हाल माउन्ट फुजीको पाँचौँ तहसम्म सावारी साधनहरुमा सजिलै जानसकिन्छ ।तर पछिल्ला केहि वर्षयता मानिसहरुको आकर्षण अत्यन्तै बढेकाले बस यात्राले थेग्न नसक्ने अवस्थामा पुगेको छ।

पहाडी मार्गमा बसको घटौँ जाम हुने अवस्था सिर्जना भईसकेको छ । यसको विकल्पमा प्रिफेक्चरल सरकारले पहाडी रेलमार्ग निर्माण गरि एकै पटक हज्जारौँ पर्यटनकहरुलाई सहज यात्रा गराउने प्रयास गरेको हो ।

सरकारको यस योजनामा स्थानीय तथा पर्यावरणसंग सरोकारवाला संघ/संस्था तथा विज्ञहरुले विगतदेखि निकै नै कडा प्रतिवाद गर्दै आएका छन् ।

अब स्थानीयहरुसंगको समन्वय गर्दै अन्तराष्ट्रिय अभ्यासहरुलाई अनुसरण गर्दै,रेलमार्ग बनाउने तयारी गरिएको जापानी संचार माध्यमहरुमा खबर प्रकासन भएको छ ।

माउन्ट फुजी युनेस्को विश्व सम्पदा सुचीमा समेटिएको पहाड हो।यसलाई सन २०१३ मा विश्व सम्पदा स्थलको रूपमा दर्ता गरिएको हो । त्यसयता माउन्ट फुजीमा पर्यटकहरुको भीडभाड बढेको छ ।

यामानशी प्रिफेक्चर र अन्य प्रिफेक्चरहरुले भीड कम गर्न गत वर्ष फेब्रुअरीमा पाँचौं तहसम्मको प्रिफेक्चरल सडकमा माउन्टेन रेलवे (पहाडी रेलमार्ग)निर्माण गर्ने अवधारणा ल्याएका थिए ।

जापानी सरकारी संचार माध्यम एनएचकेको एक खोजी अनुसार,विश्व सम्पदा दर्ताको समीक्षा गर्ने युनेस्कोको सल्लाहकार निकाय ICOMOS ले यस अवधारणाको कदर गर्दै एउटा आन्तरिक दस्तावेज कम्पाइल गरेको छ ।

त्यहाँ भनिएको छ – “यो स्वागतयोग्य छ किनभने यसले माउन्ट फुजीले सामना गर्ने धेरै चुनौतीहरू जस्तै वातावरणीय ह्रासलाई सम्बोधन गर्न सक्छ।” त्यसैले अबको केहि वर्षमा जापानको सर्वोच्च शिखर माउन्ट फुजी सरर रेलमा पुग्न सकिने सम्भावना बढेको छ ।