जापान । आईफोन १५ का प्रो मोडेलमा  पुरानै शैलीको बटन आउने भएको छ । यसअघि सोलिड-स्टेट भोल्युम तथा एक्सन बटन आउने चर्चा भएपनि एप्पल विश्लेषक मिङ-चि कुओले प्राविधिक त्रुटिका कारण उक्त बटन नआउने दाबी गरेका छन् ।

एक ब्लग राख्दै उनले सोलिड-स्टेट बटन नआउने उल्लेख गरेका हुन् । तर कस्तो प्राविधिक त्रुटि हो भन्ने विषयमा उनले खुलाएका छैनन् । यसअघि एप्पलले अहिलेका आईफोनमा भएका फिजिकल बटनलाई विस्थापित गरेर सोलिड-स्टेट बटन ल्याउने चर्चा थियो ।

सोलिड-स्टेट बटन भौतिक बटनका रूपमा हुँदैन । तर, बटनको ठाउँमा थिच्दा बटन दबाएको अनुभव हुने बताइएको छ । विशेषगरी आईफोन ८ मा रहेको होम बटन जस्तै आईफोन १५ मा भोल्युम तथा एक्सन बटन हुने भनिएको थियो ।
कुओका अनुसार आईफोन १५ अहिले ईभीटी (इन्जिनियरिङ भ्यालिडेसन टेस्ट) को क्रममा छ । त्यसैले आईफोन १५ को डिजाइन मोडिफाई हुने सम्भावना उच्च छ ।